Breiðfirðingur - 01.04.1982, Síða 114

112
B REIÐFIRÐIN GUR
geta úr þessu bætt. Til voru 6 lög á hljómplötu en annað eins
þurfti til að fylla eina sjálfstæða plötu. Við leituðum til
tónlistardeildar ríkisútvarpsins og þar fundust nokkur lög en
flest orðin skemmd og lítt nothæf, en við áttum hauk í horni, vin
okkar Helga Einarsson sem leitaði nú í sínu hljómbandasafni og
fann önnur 6 lög sem hann hafði tekið upp á æfíngu fyrir meir en
aldarfjórðungi, en þar með var málinu bjargað. Svavar Gests
fékk nú allt tiltækt efni til úrvinnslu og útgáfu. Kom
hljómplatan út með 14 lögum í desember 1977.
Fannst okkur nú sem Leikbræður væru vaknaðir að nýju af
værum blundi í aldarfjórðung. Vissulega ber þessi hljómplata
merki síns tíma og merki frístundaiðju alþýðusöngmannsins, en
óneitanlega er það okkur fjórmenningunum óblandin ánægja
hve fjölmargir hafa fagnað plötunni, en fyrsta upplag hennar
mun hafa selst upp á skömmum tíma. Erum við Svavari
þakklátir fyrir framtak hans á þessu efni. Hljómplatan hefur
sannað okkur það að við sungum ekki bara fyrir sjálfa okkur,
heldur miklu fleiri en við höfðum sjálfír gert okkur grein fyrir.
í dag er tónlistarlíf á íslandi í miklum blóma. Tón-
listarmenntun er nú viðurkennd sem aðrar námsgreinar og
tónlistarskólar starfandi víðsvegar um landið og ber að fagna
því. Ungu fólki gefst nú kostur á að spreyta sig á hinu
fjölskrúðuga og skemmtilega viðfangsefni og þreyta göngu
söng- og tónlistarnáms.
Enginn vafi er á því að fátt er það í mannlegu lífi sem glatt
hefur mannshjartað oftar og meir en tónlistin, jafnvel í meðferð
leikmannsins.
Saga Leikbræðra er fyrst og fremst saga leikmannsins og
e.t.v. finnst hinum lærða tónlistarmanni í dag hún ekki vera í
frásögu færandi, en í hugum okkar fjórmenninganna skóp hún
okkur þær endurminningar, sem ávallt munu ilma líkt og
skógarhríslurnar í Fögrubrekku forðum.