Breiðfirðingur - 01.04.1982, Page 139

Búnaðarhættir í Dölum 1981
Veturinn 1980-1981 varð landbúnaðinum fremur þungur í
skauti. Má þó segja að sumarið 1981 hafi skilað meiri
jarðargróða en á horfðist á vordögum. A s.l. sumri var víða kal í
túnum, sem dró mjög úr grassprettu á einstökum bæjum.
Takmörkun sú, sem í gildi er gagnvart landbúnaðarvörum
hefur líka þrengt kosti margra, en einkum þó hjá þeim
frumbýlingum, er lagt hafa í mikinn kostnað við byggingar.
Breiðfírðingi hefur borist ársskýrsla Búnaðarsambands
Dalamanna árið 1981. I skýrslunni er mikinn fróðleik að finna,
þótt hér verði aðeins drepið á það helsta.
I skýrslu sinni segir ráðunauturinn Jón Hólm Stefánsson
þetta m.a. um jarðræktarframkvæmdir:
„Ég hefi tekið saman yfirlit yfir túnstærð í héraðinu, ásamt
búfjárfjölda. Þar er á ferðinni mál, sem ég vil eindregið hvetja
bændur til að skoða vel. Þetta eru alvarlegar niðurstöður og
sérstaklega þegar það er haft í huga, að allt of stór hluti túnanna
er uppskerulítill af völdum lélegs túngróðurs“. Töflur þær, er
ráðunautur nefnir fylgja hér með.
í kaflanum um búfjárræktina kemur fram m.a. að sauðfjár-
ræktarfélögin starfa með auknum þrótti. Sturlaugur bóndi
Eyjólfsson á Efri-Brunná átti afurðamestu kú landsins árið 1979
og 1980. Fylgir mynd af Lukku 81 grein þessari.
Arið 1980 hlaut hrúturinn Ketill heiðursverðlaun sem besti
hrútur héraðsins það ár. Hann var eign Gunnars
Benediktssonar í Alfheimum.