Tímarit Máls og menningar - 01.09.2009, Side 2

2 TMM 2009 · 1
Frá ritstjóra
Tímaritið hefur ævinlega verið í miklu og góðu sambandi við áskrif-
endur sína og velunnara sem eru skilvísir með afbrigðum. Þeir áttu því
svo sannarlega ekki skilið að fá ótímbæra rukkun fyrr í sumar með
ómaklegum vanskilabrigslum – enda vissu þeir ekki hvaðan á þá stóð
veðrið og urðu margir hvumsa. Útgefandi TMM, Forlagið, brást snar-
lega og snöfurmannlega við, harmaði mistökin og bauð bætur en ástæða
er til enn og aftur að biðja áskrifendur velvirðingar og þakka þeim
tryggðina, því án þeirra væri þessi vettvangur ekki til – þessi gamal-
gróni vettvangur þar sem sífelld samræða er háð um bækur og listir og
önnur þjóðfélagsmál og þar sem skáldin sýna ljóð og sögur í fyrsta sinn,
rithöfundar hugsa upphátt, bókafólk skrifar ritdóma laust undan áþján
neyslu-stimplagerðar og fræðimenn prófa hugmyndir sínar á upplýstum
almenningi.
Þetta hefti er að stórum hluta helgað Bókmenntahátíð. Að vísu er það
ekki tæmandi – til að mynda vantar umfjöllun um hin ágætu Griffin-
skáld sem hingað koma frá Kanada, Ondaatje, Bringhurst og Forché og
Færeyingana tvo Jóanes Nielsen og Bergtóru Hanusardóttur. Þar réð að
sjálfsögðu ekki mat ritstjórnar á verðleikum heldur olli tímaskortur því
að ekki tókst að hafa upp á fólki sem gæti tekið að sér að skrifa um þau.
Engu að síður eru hér margar afbragðsgreinar og skal Hjalta Snæ Ægis-
syni starfsmanni Bókmenntahátíðar þakkað sérstaklega fyrir aðstoð við
efnisöflun og ritstjórn á þessum hluta tímaritsins.
Guðmundur Andri Thorsson
TMM_3_2009.indd 2 8/21/09 2:30:39 PM