Tímarit Máls og menningar - 01.09.2009, Qupperneq 68

G u ð m u n d u r B r y n j ó l f s s o n
68 TMM 2009 · 3
aldrei söm aftur. Hann móðgaðist þvílíkt að hann sást ekki í kaffi í
marga mánuði á eftir.
„Jæja – það er nú gott. En ég skil ekki þessa hordýrkun. Ekki var hún
Rita Hayworth svona skinhoruð – og hafði hún þó sjénsana.“
„Já já.“
„Ég man hvað hún amma þín grét þegar hann Ali Khan dó. Og ég
viðurkenni það vel að ég grét líka – það var samt meira út af henni Ritu.
Þó þau væru skilin. Hann var agalega sjarmerandi maður hann Ali
Khan – og það grétu fleiri en ég og hún amma þín get ég sagt þér.“
„Amma – um hvað ertu eiginlega að tala?“
„Hann afi þinn datt í það – eina ferðina enn; en það var nú svo sem
ekkert út af því þannig lagað. Hann notaði bara tækifærið eins og svo oft
áður og síðar. Það held ég hann hafi dottið í það þegar Gagarín fór
hringinn.“
„Gagarín?“
„En hún amma þín grét þessi ósköp yfir honum Ali Khan og hjúfraði
sig upp að hundinum sem við áttum þá, sennilega hefur það verið Snati
sem dó úr lungnabólgunni eða Tyrone Power; sá með klofna trýnið. En
hún grét bara enn og meir og strauk yfir myndina af henni Ritu Hay-
worth sem við vorum með á skenknum undir austurglugganum.“
„Var þessi Gagarín leikari?“
„Ekki veit ég hvað varð um þessa mynd, en hitt veit ég að hann langafi
þinn þoldi það aldrei að ég væri með mynd af Hollywoodstjörnu uppi
við. Hann var soddan kommúnisti.“
„Hvað er Belsenfangi?“
„En honum fannst í lagi að vera með mynd af Lenín yfir hjónarúminu
í öll þessi ár og ekki var ég spurð að því. Stalín komst nú aldrei upp á
veggi hér. Þó held ég að hann hafi verið bærilegasti maður, það var bara
eftir á að það fór að níða af honum skóinn.“
„Var þessi Ali Khan svona sætur? Var hann leikari?“
„Leikari? Biddu fyrir þér barn – hann var diplomat. Óskaplega mikils
virtur og dásamlega fallegur maður. Hann var í öllum boðum í New York
og París. Hann var að keyra heim og hún Bettína var með honum. Hún
fékk taugaáfall en meiddist lítið. Leikari? Hún amma þín ætti að heyra til
þín. Maðurinn var sonur hans Aga Khan og var ambassador hjá Samein-
uðu þjóðunum fyrir þá þarna í Pakistan. Óskaplega fallegur maður.“
„Var þessi Bettína dóttir hans?“
„Bettína var kærastan hans – afskaplega geðug stúlka. Það var að
koma úr einhverju samkvæmi í París.“
„Og Gagarín með?“
TMM_3_2009.indd 68 8/21/09 11:45:33 AM