Tímarit Máls og menningar - 01.11.2009, Qupperneq 4

H a l l g r í m u r H e l g a s o n
4 TMM 2009 · 4
kynna hugmyndir sínar til bjargar heimilunum í landinu
þar sem hann sat í sísgrænu þingflokksherbergi framsóknarmanna
fyrrverandi er í tygjum við framsóknarmann
ég er klikkaður
En grænt fer vel á veggjum
og með mig
„Ég skil það vel.
Hvítt var litur góðærisins.
Grænn er litur vors og vonar,“
sagði verslunarstjórinn í Litalandi, Egilsgötu 3
„Já, þetta er ekki verra en hvað annað,“
segir Skilnaður B er hann kemur með börnin
„En líst þér ekki annars bara á þig?
Þú mátt kallast heppinn.
Bubbi lenti í kjallara úti á Nesi.
Leigan er líka sanngjörn.“
„Afhverju er ekki hægt að slökkva ljósið í stofunni?“
„Það er útaf honum uppi á þriðju.
Þessu er öllu tölvustýrt sko
úr Skógarhlíð.“
Þeir kalla þetta Skilnaðarblokkina
eða Makasorpu
allir íbúar uppgangs búa einir
og mæta mér sállega sviknir í hurð og stiga
þreyttur þungans vörður sem náði að vinna
af sér konu og börn fyrir traustan jeppa
og sækir sinn póst á nærbuxum einum fata
rám og alskilin reyksuga ættuð að vestan
sem brosir til þín í boði Parkódín forte
og ökklagrönn augnadjúp unglingamóðir
sem enn á eftir
tvö, þrjú böll í blóðinu
„Þú verður að leyfa mér að bjóða þér í mat eitthvert kvöldið.“
„Því miður. Skilnaður segir að maður verði að vera einn í 6 mánuði
og leyfir auk þess engin innanblokkarsambönd.“
Fæstir sækja sér Fréttablað fyrir hádegi
og Þunglyndissamtökin minna á neyðarnúmer
TMM_4_2009.indd 4 11/4/09 5:44:29 PM