Tímarit Máls og menningar - 01.11.2009, Síða 6

H a l l g r í m u r H e l g a s o n
6 TMM 2009 · 4
og virðist fremur eftirskilin en frá
hefur pakkað sér inn í bleikan serk
með undirsigdregna fætur
og borið á bláleitt krem
sálvörn númer 26 frá Samsung
ætlar ekki
að upplifa fleiri lífsins lukkuföll
nema skjásett séu
af faglærðu fólki
og textuð á síðu 818
í Textavarpi
Þú hringir, ég sé það, síminn
glóir líkt og gull í kistu gluggans
titrar og logar og blikkar
eins og hjarta míns hugar
langar að svara en sé að enn er ljós
í Skógarhlíð
á skrifstofu Skilnaðar B
En loks þegar slökkt er þar
og hér
ég stel mér undir sæng
og sendi þér ljós úr myrkri
textatýru
Stundum er ástin blóm sem blómgast í myrkri
og hlýtur þá að heita
ljósberi íslensk plöntutegund
(Lychnis alpina) af hjartagrasaætt
beinvaxin með bleikum blómskúfum
á stöngulendum
vex á melum og víðar
segir Íslensk orðabók
þriðja útgáfa, aukin og endurbætt
ritstjóri Mörður Árnason
© Edda 2002
já, einmitt víðar
jafnvel undir sæng
TMM_4_2009.indd 6 11/4/09 5:44:29 PM