Tímarit Máls og menningar - 01.11.2009, Page 9

S a k n a ð – P e t e r F o o t e
TMM 2009 · 4 9
hann hlyti að vera fullkominn kennari. Og áfram gladdist hann við
hvert barn sem fæddist. Einkum er minnisstætt hvað hann varð kátur
þegar Sif dóttir okkar eignaðist Áróru sem hann kallaði jafnan „the
small object“ og hændi að sér áreynslulaust eins og hann væri í alvöru
afi hennar.
Stundum liðu ár milli þess sem við hittumst, en þau skiptu engu máli.
Ævinlega var eins og við hefðum hist í gær. Síðast þegar hann kom til
Íslands var eiginkona hans látin og Alison dóttir hans fylgdi honum.
Þetta var opinber lokaheimsókn hans til landsins sem hann unni næst
sínu eigin, og hann skipulagði tíma sinn vel til að hitta sem flesta vini
sína. Við erum ekkert lítið montin af því að þau feðginin skyldu kjósa að
vera með okkur, börnum okkar og barnabörnum, síðasta kvöld sitt á
Íslandi. Okkur hitnar um hjartarætur núna þegar við hugsum til þess.
Péturs verður sárt saknað í þessari fjölskyldu meðan enn lifir eitt-
hvert þeirra sem naut þeirrar gæfu að sitja með honum og spjalla við
hann. Hann var ekki aðeins einstakur gáfu- og lærdómsmaður sem
íslensk fræði eiga stóra skuld að gjalda; hann var einstakur maður,
raunverulegur vinur og fóstri.
Áhugasömum um framlag Peters Foote til íslenskra fræða skal bent á
vandaðar minningargreinar í Morgunblaðinu 18.10. 2009.
TMM_4_2009.indd 9 11/4/09 5:44:31 PM