Múlaþing: byggðasögurit Austurlands - 01.01.2011, Side 91

Aðalsteinn Aðalsteinsson
Stórhríð í ágúst!
að var 26. og 27. ágúst 1971 sem eftir-
farandi atburður átti sér stað.
Þetta var á fyrstu árunum eftir að
upp kom sú hugmynd að virkja Jökulsá á Dal
með því að veita henni austur í Fljótsdal. Til
þess að sú hugmynd kæmist í framkvæmd
þurfti miklar rannsóknir og voru því fræðingar
af mörgu tagi sendir á staðinn, þó mest væri í
fyrstu um jarðfræðinga að ræða.
Þessir fyrstu fræðingar sem sendir voru til
þess að kortleggja jarðfræði svæðisins höfðu
ekki þægilega aðstöðu til verka sinna þar sem
vegir voru engir en reynt að gera jeppafærar
slóðir um svæðið. Sumt af þessu fólki fékk
aðstöðu til húsnæðis og að einhverju leyti fæði
á Vaðbrekku á þessum fyrstu árurn þessara
rannsókna.
Þann 25. ágúst voru þær staddar heima
á Vaðbrekku Margrét Hallsdóttir og Bente
Jensen (dönsk), jarðfræðingar. Þær höfðu haft
aðstöðu til vinnu sinnar þaðan en voru nú
famar að vinna lengra frá byggð og höfðu nú
aðsetur sitt í litlum skúr við Laugará þar sem
hún rennur í átt til Jökulsár í Fljótsdal skammt
utan við Laugarfell. Það var eitthvert ólag á
bílnum sem þær höfðu til afnota en með aðstoð
komst hann í það lag að hægt var að koma
honum í gang og virtist allt í lagi með hann.
Þá var einnig ólag á talsstöðinni en eitthvert
lag komst nú á þetta. Það var vond veðurspá
og vildi fólkið á Vaðbrekku láta þær gista og
sjá til hvað yrði úr veðrinu en þær töldu sig
þurfa að halda sig að verki sínu og lögðu því
af stað frá Vaðbrekku seinni part dags áleiðis
til kofa síns við Laugará.
Þegar komið var á fætur morguninn eftir
var kornið versta veður með rigningu fyrst
um morguninn í byggð en síðan krapahríð og
snjókomu til fjalla og fór versnandi eftir því
sem á daginn leið. Höfðum við, heimafólk á
Vaðbrekku, nokkrar áhyggjur af stúlkunum
sem fóru frá okkur kvöldið áður og eins
að fleira fólk var við rannsóknir hér og þar
um hálendið vegna fyrirhugaðra virkjunar-
framkvæmda. Það er svo um hádegisbilið
sem Bragi Benediktsson frá Grímsstöðum á
Fjöllum kom í Vaðbrekku en hann hafði það
hlutverk að aðstoða þetta fólk sem var að vinna
að þessum rannsóknum á ljöllunum. Var nú
haft samband við þetta fólk um talstöðvar og
gerðar áætlanir um aðstoð við það eftir því sem
talið var þurfa til svo það kæmist til byggða.
Það voru aðeins stúlkurnar sem fóru frá
Vaðbrekku kvöldið áður sem ekkert frétt-
ist af og ekki náðist samband við. Það var
því ákveðið að ég færi með Braga og að við