Múlaþing: byggðasögurit Austurlands - 01.01.2011, Blaðsíða 156

Múlaþing
Svínarœkt á Eiðum á tíma búnaðarskólans þar. Kristján var þar við nám 1889-1890. A efri árum var hann
heimilisfastur á Eiðum og stundaðifjármennsku og önnur bústörf. Eigandi myndar: Ljósmyndasafn Austurlands.
stundaði nám í Búnaðarskólanum á Eiðum
1889-1890 og lauk þar burtfararprófi.4Hann
kvæntist 23. júní 1889 Sesselju Oddsdóttur
frá Hreiðarsstöðum í Fellum. Þau höfðu áður
eignast dóttur, Kristbjörgu, 1884 og var hún
eina barn þeirra.
Kristján er skráður bóndi á Tókastöðum í
Eiðaþinghá 1898-19015 en hann var víðar á
Héraði. Um 1920 erhann kominn að Eiðum
og vinnur þar við búið. Benedikt Gíslason frá
Hofteigi segir í Eiðasögu sinni um Kristján:
,fíann varþá [1921] heimilismaður á Eiðum
og hafði stundað þar fjármennsku og flest
búandstörf á heimilinu. “ „.. .Kristján var gáfu-
maður mikill ogsér um skoðanir, frœðimaður
á sögu og forna háttu, leikinn og lesinn í
Islendingasögum og forntungunni, áthuga-
maður um framfarir og vildi þó hafa á öllu
gát, snyrtimenni ytra og innra, og mátti glöggt
á honum heyra og í fasi finna, hvað honum
þótti nokkurs nýtt og hvað hégóminn einberf
og síðar segir Benedikt „...hann kom í Eiða
í elli sinni, og þótti þar mikil staðarbót. Var
nemendum hann minnisstœður, en skólastjóra
og heimamönnum hugþekkur.“6 Kristján var
allmörg ár á Hrjót í Hjaltastaðaþinghá hjá
Kristbjörgu dóttur sinni og manni hennar
en hún bjó þar til 1933.7 Kristján lést 11.
nóvember 1943 en hann var þá til heimilis á
Stóra-Steinsvaði í sömu sveit.8
Einkaskjalasafn Kristjáns
I Héraðsskjalasafni Austfirðinga er sem fyrr
getur varðveitt einkaskjalasafn Kristjáns
Skýrsla um Búnaðarskólann á Eiðum 1889-1891.
Sveitir ogjarðir í Múlaþingi 2. bindi bls. 240.
Benedikt Gíslason 1959: Eiðasaga bls. 286-287.
Sveitir ogjarðir í Múlaþingi 2. bindi bls. 298.
Prestsþjónustubók Kirkjubæjarprestakalls 1921-1956.
154