Múlaþing: byggðasögurit Austurlands - 01.01.2011, Blaðsíða 86

Múlaþing
• Vefsvæði með upplýsingum um rannsóknatengt starf á Austurlandi, www.rannsoknatorg.is.
Þar eru m.a. viðtöl við fólk sem vinnur að rannsókna- og fræðistörfum og listsköpun. Stefnt
er að því að tengja listamenn og listsköpun með svipuðum hætti.
• Þátttaka í árlegri vísindavöku RANNÍS í Reykjavík 2009 og 2010.
Á árunum 2007 og 2008 var unnin könnun til að fá hugmynd um umfang rannsókna á Austur-
landi. Svör fengust frá um 20 aðilum sem stunda rannsóknir á Austurlandi og upplýsingar
um á annað hundrað rannsóknaverkefni sem voru í vinnslu eða nýlokið.
Árið 2008 hófst einnig vinna við Rannsóknabókasafn Austurlands. Það er sameinað saíh
nokkurra stoínana á Austurlandi og er skráð í Gegni undir heitinu Þekkingarnet Austurlands.
Alls eru 8 þekkingarstofnanir á Austurlandi í samstarfí um rannsóknabókasafnið. Hver stofnun
er sjálfstæð safndeild og eintökin sem koma fram við leit í Gegni eru staðsett í húsnæði
stofnananna. Það er mismunandi hvort stofnanimar lána út eintök og þarf að hafa samband
við viðkomandi stofnun vegna þess.
Þekkingametið ákvað að stefna að því að halda a.m.k. eina ráðstefnu árlega, til að vekja
athygli á rannsóknum og þekkingarstarfi á Austurlandi. Fyrsta ráðstefnan sem kölluð var
rannsóknaþing var haldin árið 2008 á Eskifírði og 2009 var haldið rannsóknaþing á Skriðu-
klaustri. Árið 2010 var haldin annars konar þekkingarráðstefna um netháskóla á Reyðarfirði.
Á rannsóknaþingi 2008 var m.a. ályktað um Rannsóknasjóð Austurlands þ.e. mikilvægi
þess að koma á sérstökum sjóði til að styrkja rannsóknir á Austurlandi. Þekkingarnetið setti
sérstakan starfshóp í verkefnið skipaðan fulltrúum atvinnulífs, sveitarfélaga og þekkingarsetra.
Starfshópurinn vann drög að skipulagi slíks sjóðs og kynnti hugmyndina fyrir Samtökum
atvinnulífsins, Sambandi sveitarfélaga á Austurlandi, ráðuneytum, þingmönnum og fleiri
aðilum. Hugmyndin hlaut yfírleitt góðar viðtökur en efnahagshrunið setti frekari vinnu
að verkefninu í bið. Árið 2010 fékkst styrkur frá Vaxtarsamningi Austurlands til að búa til
tímabundinn rannsóknanámssjóð sem styrkir háskólanema sem vinna að námsverkefnum á
Austurlandi á árunum 2010 og 2011.
Gestir á Rannsóknaþingi Austurlands 2008, í Kirkju og menningarmiðstöðinni á Eskifirði. Ljósmynd: Laufey Eiríksdóttir.
84