Múlaþing: byggðasögurit Austurlands - 01.01.2013, Side 26

Múlaþing
Eyþór tók að sér að sjá um garðinn fyrir 100
króna þóknun á ári.17
Þann 2. júní 1940 skýrði forstöðukona
kvenfélagsins frá því að hún hefði rætt við
Jón Sigfússon bæjarstjóra um að:
...mála þyrfti girðinguna kringum skrúðgarð-
inn, og var hann fús til þess að leggja til
málningu, ef félagskonur gætu svo sjálfar
málað. Fundarkonum kom saman um að þær
myndu ekki hafa tök á því og var samþykkt
að fara fram á að girðingin væri máluð á
kostnað bæjarins.18
Af þessari færslu má draga þá ályktun að eitt-
hvað ósætti hafi verið á milli kvenfélagsins
og bæjarins. Hugsanlega fannst kvenfélags-
konum að þær fengju ekki nægan stuðning
frá bænum eða bæjarstjóranum. Mögulega bjó
eitthvað pólitískt þar að baki, þar sem Eyþór
var helsti velgjörðar- og umsjónarmaður
garðsins og ekki lengur bæjarstjóri. Vanga-
veltur í þessum dúr verða þó ekki leiddar til
lykta nema með frekari rannsókn.
Arið 1941 voru endurkosnar í garðnefnd
kvenfélagsins þær Ólöf Gísladóttir, Helga
Hinriksdóttir, Guðný Þórarinsdóttir og Ingi-
björg Sigurðardóttir. Rætt var um mögulegar
leiðir til fjáröflunar fyrir garðinn „og var
hlutavelta talin líklegust og ákveðið að hafa
hana við fyrsta tækifæri.“19 Ari síðar var rætt
um mikilvægi þess að leiða vatn í garðinn og
var garðnefnd falið að sjá um framkvæmd
þess. Þá voru kosnar í garðnefndina þær Krist-
rún Helgadóttir, Helga Hinriksdóttir, Margrét
17 Eyþór Þórðarson, „Skrúðgarður Neskaupstaðar (saga og gerð).“
Garðyrkjuritið 1984. Reykjavík 1984, bls. 136-137. og Hskj.
Nesk. Gerðabók Kvenfélagsins Nönnu í Neskaupstað. 1942-1974.
l.feb. 1942.
18 Hskj. Nesk. Gerðabók Kvenfélagsins Nönnu í Neskaupstað.
1907-1941. 2. júní 1940.
19 Hskj. Nesk. Gerðabók Kvenfélagsins Nönnu í Neskaupstað.
1907-1941. 15. júní 1941.
Hinriksdóttir og Ingibjörg Sigurðardóttir og
sátu þær allar í garðnefnd til ársins 1944.20
Sumarið 1942 var haldin sjómannadags-
hátíð í skrúðgarðinum og var hún haldin
sameiginlega af mörgum félagasamtökum
bæjarins.21 Hátíðin varð að öllum líkindum að
árvissum viðburði í garðinum næstu áratugina,
þó heimildir sýni það ekki með óyggjandi
hætti.
Fátt var skrifað í gerðabók kvenfélagsins
um starfið í skrúðgarðinum næstu árin, eða
þar til haldin er skemmtun í garðinum í til-
efni lýðveldisdagsins árið 1944.22 Nokkrum
mánuðum síðar var viðruð sú hugmynd að
afhenda bænum skrúðgarðinn og sagði Krist-
rún Helgadóttir þáverandi forstöðukona að:
Það yrði félaginu ókleift að standa straum af
honum þegar að því komi að leyfa aðgang
að honum að staðaldri, sem endilega þyrfti
að fara að gera, því yfirleitt væru bæjarbúar
óánægðir með það, hvað sjaldan þeim gæfist
kostur á að koma í garðinn. Þar að auki væri
margt sem þyrfti að gera fyrir garðinn og
myndi kosta mikið fé. Þá gat forstöðukona
þess hvort ekki færi best á því að félagið
afhenti bænum garðinn, og bað konur að
segja álit sitt um það.
Félagskonur voru ekki sammála um þetta mál
og því var frestað vegna þess hve fáar konur
voru mættar á fundinn. Hinsvegar var ákveðið
að opna garðinn fyrir almenning þrisvar í viku
það sem eftir var sumars og tóku nokkrar
konur að sér að gæta hans á meðan hann var
opinn.23
20 Hskj. Nesk. Gerðabók Kvenfélagsins Nönnu í Neskaupstað.
1942-1974. 1. feb. 1942.
21 Hskj. Nesk. Gerðabók Kvenfélagsins Nönnu í Neskaupstað.
1942-1974. 10. maí 1942.
22 Hskj. Nesk. Gerðabók Kvenfélagsins Nönnu í Neskaupstað.
1942-1974. 23. maí 1944.
23 Hskj. Nesk. Gerðabók Kvenfélagsins Nönnu í Neskaupstað.
1942-1974. 20. ágúst 1944.
24