Strandapósturinn - 01.06.1992, Side 42

eru búðirnar byggðar við skeljasandsfjöru og varðveisla við slík
skilyrði er einstaklega góð. Það gerir Akurvík einstaka og mjög
áhugaverða.
Frumniðurstöður gagna frá Akurvík benda til að um fornar
verbúðir sé að ræða. Undir þeim finnst forsögulegt öskulag. Ekki
fundust þar gler, leirkerabrot eða tóbakspípubrot sem búast má
við í leifum frá síðmiðöldum og virðist sem þar hafi ekki verið
búðseta eftir um 1650. Það getur verið að erfitt sé að lenda í
víkinni og útræði lagst niður af þeim sökum. Beinaleifarnar eru
fjölbreytilegar. Þar finnst m.a. mikið af beinum úr þorski , mörg
bein úr stórri löngu, fuglum, selum og hvölum. Meðal selbeina
voru bein úr mjög ungurn hringanórakóp, tegund sem kemur
með hafís. Ungur aldur dýrsins bendir til að það hafi verið veitt á
ís að vori og getur e.t.v. bent til að um tíma hafi hafísrek verið
öðruvísi háttað en á seinni öldum. Hvalbein hafa augljóslega verið
höggvin í marga smáa búta, e.t.v. í landlegum og margir bútar
bera þess merki að unnið hafi verið úr þeim.
Þessir tveir staðir geta sagt okku ýmislegt um lifnaðarhætti í Árn-
eshreppi áður fyrr og á margan hátt bæta þeir hvor annan upp —
Gjögur er bær þar sem búið hefur verið samfellt og í Akurvík er
um stutta og árstíðabundna búsetu að ræða. Þegar úrvinnslu
gagna er lokið verður hægt að gera sér betur grein fyrir lifnaðar-
háttum fyrrum.
Umhverfisrannsóknir
Meðan fornleifafræðingar voru við gröft og mælingar voru
aðrir úr hópnum að safna skordýrum, plöntum o.fl. Tilgangur-
inn með því er að finna hvernig umhverfisbreytingar hafa áhrif á
náttúrufar nú og fyrrum. Samstarfsmenn okkar hafa einkum
áhuga á breytingum sem hugsanlega verða við búsetu mannsins í
landinu og einnig hver áhrif kólnandi veðráttu á síðmiðöldum
voru.
Jon Sadler frá Sheffield háskólanum á Englaudi safnaði skor-
dýrum og greindi þau til tegunda. Hann kannaði einnig leifar
40