Strandapósturinn - 01.06.1992, Síða 111

Sigurrós G. Þórðardóttir
frá Klúku:
Ljóðabréf til
J.H.Þ. sem
var þó
aldrei sent
Það mun hafa verið í kringum 1938 að vori til, að auglýsing
birtist í Tímanum frá Jóni H. Þorbergssyni, bónda á Laxamýri í
Þingeyjarsýslu þess efnis að til sölu væru víðistilkar til gróðursetn-
ingar og leiðarvísir myndi fylgja með. Eg fékk strax mikinn áhuga
á að reyna skógrækt og pantaði að ég held 20 stykki af þessum
verðandi skógi. Nokkru seinna kom svo sendingin, en í þá daga
voru póstsendingar ekki hraðar. Greiðsla var send um hæl. Það
kom í ljós þegar tekið var utan af hríslunum, að einhverra hluta
vegna höfðu leiðbeiningarnar ekki komist með svo að ágiskanir og
hyggjuvit var látið ráða við niðursetningu. Eitthvað mun hafa
farið úrskeiðis, annað hvort þurrkur á greinunum á leiðinni eða
eitthvað annað, en enginn varð skógurinn í þetta sinn, frekar en
við svo margar tilraunir síðar. Það eru ekki allir staðir á blessaða
landinu okkar jafn vel fallnir til skógræktar. Um sumarið vorum
við Valdís systir að rifja flekk og fórum við að ræða um víðistilkana
okkar og þá fóru að koma fram vísupartar um þennan atburð fyrr
um vorið. Afraksturinn varð svo þetta ljóðabréf sem við hjálpuð-
umst að við að setja saman. Þetta var í gamni gert og aldrei sent
Jóni.
109