Andvari - 01.01.2014, Side 32

30
SVAVAR GESTSSON
ANDVARI
til."43 Semsé aðeins fyrr en hann taldi það hafa verið og nefnt var áður.
Og aðeins síðar segir hann í sömu greinargerð: „Ég stóð með verka-
lýðsfélaginu og grundvallarkenningum þess. Ég var andvígur íhaldi
og framsókn og taldi hægri arm Alþýðuflokksins alltof leiðitaman
við framsókn/444
Lúðvík segir þarna um Jónas Guðmundsson: „Jónas Guðmundsson
foringi Alþýðuflokksins á staðnum var glæsilegur foringi. Hann var
hrífandi ræðumaður, vel ritfær og dáður kennari. Afstaða mín í pólitík
mótaðist því ekki af andstöðu við Jónas sem foringja."45
Það gerðist nokkuð samtímis í lok þriðja og byrjun fjórða áratugarins
að það hófust deilur innan Alþýðuflokksins á landsvísu og Jónas verður
umdeildari í Neskaupstað. Deilurnar á landsvísu áttu sér bæði alþjóð-
legar og þjóðlegar forsendur eins og rakið hefur verið.46
I nóvember 1931 birtust þrjár greinar frá Norðfirði í Verkamanninum,
blaði kommúnista á Akureyri. Ein þeirra var eftir þann unga og gal-
vaska formann ungra jafnaðarmanna á Norðfirði, Bjarna Þórðarson,
sjómann, á Sólhóli. Önnur er undir dulnefni og er bein árás á Jónas
Guðmundsson: „Hvað hefur Jónas gert fyrir verkalýðinn? Legið eins og
mara á kaupi þess og kjörum öll þessi síðustu blómaár Norðfjarðar.1147
Og áfram eftir þessu; ekki var nú sanngirninni fyrir að fara frekar en
endranær í svona skrifum. Jónas svaraði fullum hálsi. Hann benti á
margskonar verkefni sem hann hafði haft forystu um í Neskaupstað, til
dæmis á barnaskólann sem enn er ein glæsilegasta byggingin í bænum.
Hann heimtaði meðal annars að fá að vita um nöfn þeirra sem höfðu
skrifað í Verkamanninn undir dulnefni. Ritstjóri Verkamannsins, Einar
Olgeirsson, neitaði að verða við þeirri kröfu. Undir lok ársins 193148
mátti heita að það hafi ríkt fullkomið hatur milli forystumanna jafn-
aðarmanna á Norðfirði og boðbera kommúnismans í því byggðarlagi49
Þeir létu hvergi deigan síga. Ingimann Ólafsson skrifaði harkalega
grein gegn Jónasi í Verklýðsblaðið, landsmálgagn kommúnista. Jónas
svaraði fyrir sig og réðst í leiðinni á varaformann félagsins, Einar Svein
Frímann. Þeir voru svo reknir úr Verklýðsfélaginu með samhljóða
atkvæðum.50 Einar var höfundur flestra greinanna í Verkamanninum.
Enda fór það svo að lokum að kommúnistar stofnuðu liðshóp í
Neskaupstað. Flokksdeild kommúnista í Neskaupstað var stofnuð
12. janúar 1932. Bjarni Þórðarson var formaður.51 Þeir Lúðvík og
Jóhannes voru enn á Akureyri þegar kommúnistadeildin var stofnuð.
Nafn Lúðvíks sést fyrst í fundargerð Kommúnistadeildarinnar í