Andvari - 01.01.2014, Qupperneq 72

70
SVAVAR GESTSSON
ANDVARI
fjölda funda sem fóru fram á ensku síðar á lífsleiðinni. Hann hagaði sér
reyndar gjarnan í öllum málflutningi eins og kennari. Þannig kom hann
fram við félagana í Neskaupstað sem voru yngri að árum og þannig
birtist hann mér ótal sinnum í löngum samtölum okkar, þar sem hann
talaði, kenndi.
Þarna hefði hann mátt bæta því við upptalninguna að hann var for-
maður Alþýðubandalagsins 1977-1980 og honum var sem slíkum falin
stjórnarmyndun sumarið 1978. Hann var fyrsti sósíalistinn sem naut
þess trúnaðar og Morgunblaðið trylltist. Þess má svo geta að Lúðvík
sat í bankaráðum í áratugi; hann var í bankaráði Útvegsbankans 1957-
1971 og Landsbankans frá 1980 til dauðadags 1994; hann sat því í
bankaráðum ríkisbanka í 28 ár.
Lúðvík hélt aldrei dagbækur samfellt í lengri tíma á ferli sínum
að því er ég best veit. Þó er frá því ein undantekning. Ég hef undir
höndum dagbók hans frá því 1960 er hann sótti hafréttarráðstefnuna í
Genf. Fjóla var með honum og nær dagbókin yfir um það bil mánaðar-
tíma. Þar er aldrei sagt frá neinu öðru en pólitík. Hvað annað?! Tvisvar
kemur fyrir í dagbókinni færslan: „Við Hermann fórum í bíltúr með
konum okkar.“ Þessi Hermann var Jónasson. Ekkert um það hvað var
skoðað. Þegar sagt er frá síðdegismóttökum eru það skýrslur um samtöl
Lúðvíks við þá sem voru í móttökunum um landhelgismálið. Hann var
að vinna; alltaf að vinna.
Hvernig fór maðurinn að því að komast af? Alltaf í pólitík. Nei
ekki alveg. Hann mætti á hverjum morgni á kaffisamkomur í Pfaff-
klúbbnum. Þeir félagar klúbbsins hittust klukkan tíu á morgnana í kaffi
og þar var tekin út staðan. Fundirnir voru vel sóttir; þar voru menn
aðallega að skemmta sér. Lúðvík sótti þessar samkomur í 40, já fjörutíu,
ár!130
Lúðvík gat nefnilega verið allra manna skemmtilegastur. Alþingi
hafði skrifstofur í Þórshamri í áratugi. Þar hafði Lúðvík skrifstofu.
Þaðan bárust oft mikil hlátrasköll. Það voru ekki síst Stefán Jónsson,
Jónas Arnason og Garðar Sigurðsson sem tóku þátt í þessum hlátra-
fundum. Og Pfaff-fundirnir hafa verið skemmtilegir. Það segir Jón-
steinn Haraldsson sem var eini Alþýðubandalagsmaðurinn auk Lúðvíks
á þessum fundum. Hann hitti ég að máli í febrúar 2014. Jónsteinn og
Halldóra Kristjánsdóttir kona hans áttu líka bústað við hliðina á bústað
Fjólu og Lúðvíks austur í Grafningi. Þeir voru þess vegna nánir vinir og
gátu báðir verið æringjar. Jónsteinn er fæddur 1924 og er því níræður