Andvari - 01.01.2014, Qupperneq 81

andvari
LÚÐVÍK JÓSEPSSON
79
Lúdvík áttrœður og hefur lánað langafabarni, Lúðvík Kristinssyni, hattinn.
einmitt styrkur Lúðvíks. Hann tók ákvarðanir, reyndi að fylgja þeim
eftir, ef það gekk ekki þá tók hann nýja ákvörðun. Nokkrum sinnum
lentum við sinn á hvorri brautinni; einu sinni flutti hann tillögu gegn
ríkisstjórn sem ég sat í. Ég talaði gegn tillögunni. Tillaga hans var felld
- þessi viðburður breytti engu í viðmóti Lúðvíks gagnvart mér. Hann
var ekki maður sem móðgaðist. Hann var allt of stór til þess. Oftast
hafði hann reyndar sitt fram með einbeitni og lagni í senn.139
Við urðum samferða í fundalotu austur á land eitt vorið. Sváfum
næstum að segja saman í tveimur rúmum að vísu en það var svo stutt
á milli þeirra að annar mátti ekki hreyfa sig án þess að rekast í hinn.
Þegar við risum upp um áttaleytið hafði hvorugur sofnað að gagni og
Lúðvík sagði: Maður hvílist af því að liggja. í þessari ferð fórum við
í flugvél upp frá Vopnafirði yfir Smjörvatnsheiði í smárellu. Þegar við
erum að fara yfir heiðina missir flugvélin skyndilega hæð og það mátti
lesa mörkin á fénu sem var á beit á heiðinni. Mér brá og varð örugg-
lega krítarhvítur af hræðslu en Lúðvík hélt sig við pólitíkina: Hér hefur
Hjörleifur örugglega verið - og flugvélin náði góðri flughæð aftur. Hélt
svo áfram að tala um Hjörleif.
Lúðvík var snjall áróðursmaður og gekk rösklega fram í kosninga-