Tímarit lögfræðinga - 01.04.2013, Page 94


starfa helgaðra réttarsviðinu. Þessi skilmerki þess hvort nýtt réttar-
svið hafi orðið til er hægt að nota sem mælikvarða á það hvort ís-
lenskt réttarsvið hafi orðið til, en þó verður að taka nokkurt mið af
hinum séríslensku aðstæðum. Þótt umfang, eðli og þróun réttar-
heimildasafnsins sé sambærilegt, er íslenskt fræðasamfélag það
smátt að það tæki nokkra áratugi í viðbót að uppfylla sum þessara
skilmerkja að sama marki og á hinum Norðurlöndunum og í Evr-
ópu. Vegna smæðarinnar á Íslandi þarf því að sækja í hina sam-
norrænu hefð og hið víðara evrópska og alþjóðlega samhengi til að
leggja fræðilegan grunn að sviðinu. Einnig verður sú starfsemi á
sviði heilbrigðisréttar sem lýst er út frá hinu félagsfræðilega sjónar-
horni aldrei eins umfangsmikil og í milljónasamfélögum Norður-
landa og Evrópu. Að teknu tilliti til þessa má þó benda á að heil-
brigðisréttur hefur verið kenndur sem valfag á meistarastigi við
Háskólann í Reykjavík frá árinu 2006, að Íslendingar taka þátt í
starfsemi norræns rannsóknanetverks á sviði heilbrigðisréttar og
félagsins European Association of Health Law. Þá var hér á landi starf-
andi félag um heilbrigðislöggjöf frá árinu 1991, en í því voru bæði
lögfræðingar og starfsmenn heilbrigðisstofnana.97 Það félag lagðist
þó af við stofnun félags um lýðheilsu árið 2001.98 Þá hafa nokkrar
fræðilegar greinar verið birtar sem fjalla um heilbrigðisréttarleg
viðfangsefni í íslenskum rétti. Það er bæði um að ræða umfjöllun
um almenn atriði og réttindi sjúklinga,99 viðfangsefni tengd skaða-
bótaábyrgð heilbrigðisstétta,100 og álitaefni sem tengjast vísinda-
rannsóknum á heilbrigðissviði, einkum lögum nr. 139/1998 um
gagnagrunn á heilbrigðissviði sem voru mjög umdeild á sínum
97 Sjá http://www.mbl.is/greinasafn/grein/67116/, skoðað 2. maí 2013.
98 Sjá http://www.lydheilsa.is/felag_um_lydheilsu/, skoðað 2. maí 2013.
99 Oddný Mjöll Arnardóttir: „Cultural Accommodation in Health Services and European
Human Rights“. Í ritinu Elisabeth Rynning og Mette Hartlev (ritstj.), Nordic Health Law in a
European Context – Welfare State Perspectives on Patients‘ Rights and Biomedicine, Liber og
Martinus Nijhoff, Malmö/Leiden 2011, bls. 181-200; Elisabeth Rynning, Oddný Mjöll Arn-
ardóttir, Mette Hartlev, Henriette Sinding-Aasen og Sirpa Soini: „Recent Developments in
Nordic Health Law“. European Journal of Health Law 2010, bls. 1-16; Þórunn Guðmunds-
dóttir: „Hvenær drepur maður mann og hvenær drepur maður ekki mann“. Læknablaðið
1995, bls. 55-58; Þórunn Guðmundsdóttir: „Upplýsingamiðlun til sjúklinga og upplýst
samþykki“, Tímarit lögfræðinga, 4. hefti 1994, bls. 260-264.
100 Arnljótur Björnsson; „Bótaábyrgð heilbrigðisstétta og sjúkrastofnana“. Tímarit lögfræð-
inga 1994, bls. 230-241; Gunnlaugur Claessen: „Meðferð bótamála gegn heilbrigðisstéttum
og sjúkrastofnunum innan stjórnkerfisins“. Tímarit lögfræðinga 1994, bls. 242-246; Ingvar
Sveinbjörnsson: „Ábyrgðartryggingar heilbrigðisstétta“. Tímarit lögfræðinga 1994, bls. 247-
250; Logi Guðbrandsson: „Tengsl bótaábyrgðar heilbrigðisstétta og sjúkrahúsa“. Tímarit
lögfræðinga 1994, bls. 251-259.