Goðasteinn - 01.03.1968, Page 34

tíma, að hita á hlóðum, lagði Stefán sig og naut værðar, meðan
sól var hæst á lofti. Að blundi loknum, er hann tók til starfa við
heyskapinn, vann hann því betur, er á leið dag, meðan verkljóst
var.
Séra Björn Þorvaldsson var þá prestur á Stafafelli, frá 1837-1862,
skapmikill athafnamaður og eftir því ráðríkur, nokkuð óheflaður í
framkomu. Hann kom á ýmsum umbótum í búskaparháttum og
fylgdi þeim fast eftir, virti vel þá bændur, sem sýndu fulla viðleitni
til að bjarga sér og bar lof á þá, hinum, sem sýndu hirðuleysi í
þeim efnum, gerði hann áreið, veitti þeim þungar átölur og jafnvel
barði þá. Reyndu menn að vera á verði gagnvart slíkum heim-
sóknum, sem voru venjulega um fótaferðartíma.
Prestur átti góða reiðhesta og hafði yndi af því að vera á hest-
baki, fór jafnan hratt yfir. Menn renndu grun í, að heimsókn af
hálfu prests vofði yfir Stefáni í Hvammi. Síðla sumars, snemma
morguns, er Stefán vakinn með þeirri frétt, að prestur mundi vera
á leið þangað, ásamt fylgdarmanni, og færi hratt yfir. Stefán reis
þá á fætur og klæddist. Var því nær lokið, er prestur ruddist inn í
bæinn. Hafði hann ætlað að ná Stefáni í rúminu, en er það brást,
varð ekkert úr fyrirhugaðri ráðningu. Frá orðaskiptum þeirra fara
engar sögur.
Um haustið, síðla kvölds, er á var myrkur og suddarigning, varð'
presti á Stafafelli reikað út, spölkorn frá bæ. Heimafólk var allt
komið inn frá störfum. Dvaldist presti óvenju lengi úti. Þegar
hann kom aftur í bæinn, var hann illa til reika, föt hans mjög úr
lagi færð, þungbrýnn og orðfár um útiveru sína. Orðrómur komst
á, að þarna mundi Stefán hafa verið að verki, að gjalda fyrir heim-
sóknina og ónæðið um sumarið.
Bezti talsmaður bindindisfélagsins, sem Eiríkur, síðar vicepró-
fastur á Garði í Kaupmannahöfn, stofnaði 1844, var Björn á Stafa-
felli. Gckk hann fram í því með sínum alkunna dugnaði. Félagsmenn
urðu 30 í Lóni, þar á meðal Stefán í Hvammi, en aðeins 5 í Nesjum
og 7 á Mýrum.
Stefán sótti verzlun á Djúpavog. Verzlunarstjórinn var Chr.
Thaae og hafði lengi verið, spakur maður og hæglátur. Þjáðist á síð-
32
Goðasteinn