Goðasteinn - 01.03.1968, Page 43

Ég var fermdur í Háfskirkju, ég held á réttum tíma. Það var
rnikill dagur, þó ekki væri nein veizla. Veturinn eftir var ég látinn
fara til Þorlákshafnar til að beita lóðina hjá Eyjólfi Þorbjörns-
syni, átti hann heima í Sclvogi. Ég fékk hálfan hlut, átti víst ekki
meira skilið, samanborið við þá vönu og duglegu, sem reru á sjó-
inn. Næsta vetur var ég heima, en þann næsta, þegar ég var 16 ára,
var ég látinn fara suður á Seltjarnarnes að Hrólfsskála og lenti
þar á mjög góðu heimili. Húsbóndinn hét Pétur Sigurðsson og
konan Guðlaug Pálsdóttir.
Suðurgangan hófst í fyrstu viku góu. Var það Brynjólfur Þórðar-
son frá Sumarliðabæ, sem var beðinn fyrir mig og að koma mér til
skila; sá Brynjólfur var bróðir Tómasar í Hamrahól. Þá var mikil
rigning, og man ég, að Brynjóifur sagði, að það væri mikil vit-
leysa að fara frá bæ sínum í þessu veðri. Við vorum reiddir yfir
Þjórsárbrúna. Pabbi reiddi mig en bróðir Brynjólfs hann. Svo hófst
gangan. Það var kominn vegur að nafninu til, cn það kom strax
aur í hann í svona veðri. Við bárum föt okkar og nesti, hvíldum
okkur við Ölfusá og áfram var svo haldið út í Ölfus. Þá voru allar
ár óbrúaðar, og í vexti urðurn við að vaða þær. Svo djúpar voru
þær, að þær náðu mér vel í rass. Komumst við að Hveragerði um
kvöldið, mikið blautir, a.m.k. var ég það. Þar fengum við að gista.
Við Brynjólfur sváfum saman uppi á lofti. Þar var kalt, því engin
var upphitunin. Næsta dag var gengið af stað. Éljagangur var og
snjókoma. Verst var færðin á Sandskeiðinu, þar var enginn veg-
ur, en vatn og krapi. Þá höfðu fleiri bætzt við í hópinn. Fór ég nú
að þreytast og dragast aftur úr, en þá taka þeir af mér pokann minn
og gekk ég laus, það sem eftir var, niður að Árbæ. Að Árbæ voru
margir komnir til að fá þar gistingu, allt gangandi menn, sem voru
að fara til sjós. Húsbændur Árbæjar voru þá Eyleifur og Margrét
og var reynt að láta fara vel um alla. Síðastan tók Eyleifur mig,
fer með mig upp á loft, þar svaf gamall maður undir súðinni.
Segir Eyleifur við hann: „Heldur þú, að þú viljir ekki lofa þessum
dreng að sofa fyrir ofan þig í nótt, þetta er ekki stærra en lamb.“
Það tókst og svaf ég vel. Næsta dag var farið til Reykjavíkur. Borð-
aður miðdagsmatur hjá Jóni Þórðarsyni kaupmanni í Bankastræti.
Um nóttina var ég hjá Gísla Jóhannessyni frá Seli í Holtum. Næsta
Goðasteinn
4i