Goðasteinn - 01.03.1968, Síða 49

Kristján í vesturbænum man ég mjög vel, enda kom ég jafnan
til hans, þegar hann var búinn að kveikja upp í smiðjunni. Hann
byrjaði víst ungur á smíðum, en ég tapaði honum of fljótt. Var ég
tíu ára, begar hann fór til Reykjavíkur að læra trésmíði. Þó lærði
eg af honum að smíða skónálar og gerði dálítið að því á þessum
arum. Þær seldi eg á fimm og scx aura stykkið. Það þurfti góðar
f álar til að gera kúskinnsskóna, þær þurftu að bíta vel og vera af
ymsum stærðum. Voru þær kallaðar þvengnáiar, varpanálar og
bryddingarnálar. Nú eru víst fáar konur, sem kunna að gera skó.
Það var bæði erfið og mikil vinna að búa til skóna, og svo komu
götin á þá. Þurfti þá að næla bætur fyrir götin. Það var mikil
breyting á þessu þegar gúmmískótauið kom, og menn gátu vaðið
forina og verið þó þurrir í fæturna.
Vorið 1907 fór ég að Þjórsártúni til að smíða. Það var Jóhannes
Þórðarson frá Egilsstöðum í Flóa, sem tók að sér að byggja þar
12x24 álna hús fyrir Ólaf Isleifsson, lækni. Var það ætlað aðailega
fyrir samkomur og fundi og um leið til að geta tekið á móti kon-
unginum, Friðrik VIII, en hans var von á ágústmánuði um sumarið.
Tók Jóhannes mig mcð sér ef ég gæti eitthvað snúizt í kringum
hann. Þetta þótti stórhýsi í þá daga, tvö herbcrgi í öðrum enda,
hitt salur 12x16 álnir. Það var Jóhannes, sem tók mig fyrstur manna
í smíðar og var ég þá 19 ára. Það eru því í vor 60 ár síðan ég byrj-
nði að smíða fyrir alvöru. Þarna voru fleiri smiðir og verkamenn,
því margt þurfti að gera. Þar á meðal var einn piltur á líku reki
og ég, og var hann við ýmsa vinnu, eins og eðlilegt var, en hann
kom sér eitthvað ekki sem bezt og var sagt upp vinnunni. Honum
fannst að sér væri gert rangt til og kvartaði undan þessu og sagði,
að það væri öðru vísi með hann Guðjón, hann héldi sér uppi á
helvítis montinu, alltaf með tommustokkinn á lofti. Ég var ekkert
að misvirða það við þennan pilt, þótt hann segði þetta um mig,
það getur vel verið, að ég hafi haft þann hæfileika til að bera að
geta verið dálítið mannalegur. Ég var í Þjórsártúni fram á slátt og
átti eftir að vera þar mcira og minna í ellefu ár. Þar voru haldnar
margar samkomur í þessu húsi, og kom það í góðar þarfir fyrir
báðar sýslurnar, beggja vegna Þjórsár. Voru oft ótrúlega margir
þar samankomnir, þó að seinlegt væri að fara þangað gangandi
Goðasteinn
4?