Skírnir - 01.01.1907, Page 18

18
Darwinskenning og framþróunarkenning.
skeiði sínu eigi sér í raun og veru stað (kenning Lamarcks)r
en korni þó ekki til greina urn franrleiðslu nýrra tegunda
(kenning andstæðinga Lamareks), eða enn, hvort náttúru-
valið, þó það leiði af sér ný afbrigði og nýja kynunga
(kenning Darwins), sé ekki alls ómáttugt um myndun
tegunda (kenning andstæðinga Darwins).
B. StöJckbreytingakenningin. — Eftir kenningu hollenzka
grasafræðingsins De Vries, koma nýjar tegundir fram við
snögga breytingu frá einni kynslóð til hinnar næstu, við
stökkbreytingu. Á æfiferli tegundanna væru þá
stuttir uinskiftakafiar, byltingatímabil, en á undan þeim
og eftir löng tímabil er tegundin héldist óbreytt. Þessi
kenning styðst við nokkra reynslu. De Vries hefir fram-
leitt með stökkbreytingum nokkrar nýjar plöntutegundir,
sem runnar eru af Lamarcks náttljósi (Oenothera
Lamarckiana). Er það í fyrsta skifti að visindamanni
hefir með tilraunum tekist að fá nýja tegund. Slíkt liöfðu
menn aldrei áður séð.
Eins og Ný-Lamarckingar gjöra fylgismenn stökk-
breytingakenningarinnar ýmist að hafna Darwinskenning-
unni alveg, eða að reyna að samlaga kenningu sína Dar-
winskenningunni. Sumir vísindamenn halda þvi franr, að
nokkrar tegundir að eins myndist við stökkbreytingu, en
ekki allar, né jafnvel fiestar. Eftir annara skoðun gæti
úrvalið safnað fyrir stökkbr-eytingum i ákveðna átt og
valdið þannig nokkru um myndun líffærra tegunda. De
Vries játar sjálfur, að trúin á snöggar tegundabreytingar
geti verið sainfara trúnni á úrvalið. En á hinn bóginn
leiðir stökkbreytingakenningin suma líffræðinga til að
hafna með öllu kenningu Darwins. Jafnskiftar verða skoð-
anirnar hins vegar, ef vér athugum afstöðu fylgismanna
stökkbreytinganna og Ný-ívamarckinga sín á milli: Það
má gjöra ráð fyrir að tegundir myndist ávalt við stökk-
breytingu; eða þá að þær myndist ýmist við stökkbreyt-
ingu eða þannig að líffærabreytingar sem lífskjörin
valda gangi að erfðum; eða þá enn að stökkbreytingar
verði, þegar slíkar líffærabreytingar liafa safnast fvrir í