Fréttir frá Íslandi - 01.01.1879, Page 83

LÁT HRLDRA FÓLKS.
83
Hann var fæddur 16. dag ágústmánaðar 1811, útskrifaðist úr
Bessastaðaskóla 1835, og sigldi næsta ár til Kaupmannahafnar-
háskóla, og lauk þar guðfræðisprófi með bezta vitnisburði 1840.
Hann vígðist prestur að Hólmum 1841, og þjónaði því em-
bætti til dánardægurs. Hann var prófastur í Suður-Múla pró-
fastsdæmi frá 1847 til 1862. Hann var hinn vinsælasti maður,
hygginn og gætinn, og hið mesta prúðmenni í öllu, og unnu
honum allir hugástum, er hann þekktu. Hann kvongaðist haust
ið 1840 ungfrú Kristrúnu Jónsdóttur frá Grenjaðarstað, og varð
þeim 4 barna auðið. — Annar af merkisprestum, er dóu á
þessu ári, var Páll prestur Jónsson Matthiesen. Hann and-
aðist á ÍMngvöllum við Öxará 9. dag febrúarmánaðar. Hann var
fæddur í Vatnsfirði 1811, lauk prófi í Bessastaðaskóla og vígð-
ist síðan aðstoðarprestur föður síns að Arnarbæli 1837; 1839
fór hann utan og stundaði guðfræðisnám við háskólann um
tveggja ára tíma; síðan varð hann prestur til Skarðsþinga í
Dalasýslu 1847, og að Hjarðarholti í Dölum 1855, að Stokks-
eyri 1866 og síðast að Arnarbæli í Ölfusi 1873. 1878 fjekk
hann lausn frá embætti. 1847 gekk hann að eiga Guðlaugu
porsteinsdóttur, er var ættuð undan Eyjafjöllum. Páll prestur
var tápmaður mikill, og umfram aðra menn að vaskleik og allri
atgjörvi; hann var virtur af öllum, er hann þekktu, og þótti
hvervetna mikið til hans koma. — Hinn þriðji af prestaöld-
ungum þeim, er látizt hafa, er Asmundur prófastur Jónsson
í Odda; hann dó 18. dag marzmánaðar. Hann var fæddur á
Lambhúsum á Álptanesi 22. nóvember 1808, útskrifaðist úr
Bessastaðaskóla 1827, og fór þá utan, og tók þá guðfræðispróf
við háskólann 1833 með bezta vitnisburði, Hann var settur
dómkirkjuprestur 1835, en fjekk Odda á Rangárvöllum 1836,
og varð prófastur í Itangárþingi 1841. Dómkirkjuprestur varð
hann aptur 1846, og lijelt því til 1854, og þá aptur að Odda,
og var þar til dauðadags. Hann var allra manna híbýlaprúð-
astur, og vel að gáfum búinn, og fræðimaður heldur mikill.
Þótti jafnan mikið til hans koma í hverju því sem fyrir kom.
— Árna prests Jóhannssonar hefir verið áður getið í
slysfarakaflanum. Hjer má og minnast eins prests, sem and-
aðist á þessu ári, þó að hann væri aldrei hjer á landi í em-