Tímarit Hins íslenzka bókmentafélags - 01.01.1886, Qupperneq 48

48
urjurtir gætu þrifizt hjer og nær þær blómstra hjer.
það er fróðlegt að geta borið hið ræktaða grasaríki í
Reykjavik saman við það grasaríki í Norvegi, er því
samsvarar, þar sem norðurtakmörk nokkurra þessara
norsku jurta eru kunn. Að því er þær tegundir
blómsturjurta snertir, sem jeg þekki norðurtakmörkin
á í Noregi af riti Schiibelers prófessors „Væxtlivet i
Norge“ eða eptir öðrum skýrslum, þar hef jeg sett
þessi takmörk í heilum stigum við hverja einstaka jurt.
Ef farið væri að láta leiðast af því til að bera Reykja-
vík á 64° saman við Noreg á 700, þá verð jeg að á-
líta þann samanburð allt of fljótráðinn. Tvö seinustu
sumrin, sem tilraunirnar við blómsturjurtirnar hafa ver-
ið gjörðar, hefur árar svo óheppilega, sem mest má
verða. það er enginn efi á því, að þegar betur lætur
í ári, muni mega láta miklu fleiri jurtir með syðri
norðurtakmörkum blómstra hjer á landi en tiltök hafa
verið sumurin 1884 og 1885. Auk þess verð jeg sjer-
staklega að vekja athygli manna á þvi, að þessar til-
raunir eru allar gjörðar á bersvæði, það er að segja:
án þess að notaðir hafi verið vermireitir eða kaldir
reitir. Fræinu er sáð hina tilteku daga á bersvæði í
algenga garðjörð, sem enn þá er nokkur órækt í.
þ>ær sárfáu blómsturjurtir, sem jeg hef sáð til skemmt-
unar i jurtapotta eða í reiti, eru eigi taldar með, eða
það verður að minnsta kosti tekið skýrt fram, að ann-
ari aðferð hafi verið beitt.
Ef prófessor Schiibeler finnur nokkrar stórar eyð-
ur hingað og þangað, þar sem einstöku tegundir með
öllum undirtegundum þeirra vantar alveg i skýrslu
mina, en hann hefur þó sent mjer fræ þeirra, þá verð
jeg að biðja hann að minnast þess, að tilraunirnar eru
gjörðar af einstökum manni á tómstundum hans, án
nokkurs styrks hvorki af nýtilegum vinnukrapti nje
eningum, svo að eigi hefur ætíð verið auðið að stunda