Tímarit Hins íslenzka bókmentafélags - 01.01.1886, Blaðsíða 96

96
Gjöldin voru aptur mikil og mörg; þó eru þetta
ár, sem að ofan er nefnt, tekjur umfram gjöld 134 rdl.
17 sk. J>að var mikill kostnaður, sem gekk í það að
fæða og skæða alla yfirboðna og undirgefna og launa
þeim m. fl. Jeg skal fyrst drepa lítið eitt á launin.
Jeg hef eigi af þeim gögnum, sem jeg hef haft fyrir
mjer, getað sjeð með vissu launahæð ráðsmannanna og
brytanna, og lítur helzt út fyrir, að launin hafi eigi
verið fastákveðin handa þeim lengi vel fram eptir,
heldur farið hækkandi og lækkandi eptir því, hvernig
biskupum gekk að fá hæfa menn i þessar sýslanir.
Árið 1741 reiknaði ráðsmaðurinn sjer fyrir tímabilið
frá 13. maí til 25. okt. „fyrir umsjón heimastólsins og
útrjettingar i hans þjenustu 9 hdr.“ á landsvísu. Eptir
1767 hafði hann 130 rdl. föst laun og leigulausa ábúð
á 2/3 staðarins, auk annara hlunninda. Brytinn hafði
stundum að minnsta kosti 10 rdl. árskaup og 12 ál.
vaðmáls. í ársreikningnum 1742—43 er salarium dóm-
kirkjuprestsins talið 21 rdl. 30 sk.; síðar voru laun hans
hækkuð, svo hann fjekk i kost og laun um árið 60
rdl. Skólameistararnir áttu upphaflega eptir reglu-
gjörð 15521 að hafa 60 rdl. 1 kaup, er átti að gjaldast
þeim i smjöri, vaðmáli, fiski eða peningum. Auk þess
áttu þeir að fá ókeypis fæði um árið, sem skyldi
greiðast þeim rneð 1 nauti, 4 fullorðnum kindum, 6
tunnum af malti, 3 tunnum mjöls, 1 tunnu af salti, 1
tunnu af smjöri, 200 fiskum, og skyri og mjólk eptir
þörfum; siðar höfðu þeir kost með öðrum. Eptir minn-
isbók J>orláks biskups, ritaðri með hans eigin hendi,
fjekk skólameistarinn árið 1629 f kaup sitt: 4 kúgildi,
15 aura, tværtunnur smjörs, einn hundraðshest og eina
tunnu kjöts. Síðar hafði skólameistarinn upp í kaup
1) Lovsaml. for Isl. I. bls. 68.