Andvari - 01.01.2001, Page 21

andvari
SNORRI HALLGRÍMSSON
19
Á snjóbreiðum Finnlands í stríðinu 1939M0. Snorri ásamt sœnskri herdeild og tveim
drengjum. Hann stendur fremst hœgra megin á myndinni, með hvíta loðhúfu.
Höfundur þessarar greinar hefur fyrir því traustar heimildir að fram-
ganga Snorra var mjög rómuð og hann þótti bæði djarfur og úrræðagóð-
ur. Finnar kunnu að meta framgöngu hans, sem ráða má af heiðurs-
merkjurn sem hann hlaut, svo og því að á fimmtíu ára afmæli Vetrar-
stríðsins lagði sendiherra Finnlands blómsveig á leiði hans. Próf. Snorri
minntist mjög sjaldan á þetta tímabil í lífi sínu og frá honum er aðeins
til eitt bréf til vinar hér heima og birtist hluti af því í Morgunblaðinu 14.
apríl 1940. í þessu bréfi segir hann frá síðasta degi styrjaldarinnar. Eftir
að hann hefur lýst hrikalegri stórskotahríð og loftárásum á herbúðimar
sem herdeild hans var í og afleiðingum hennar, segir hann að lokum:
Um morguninn, áður en við höfðum frétt um hið væntanlega vopnahlé, héld-
um við að Rússar væru að undirbúa stóra sókn. En svo kom í ljós að þetta var
aðeins tilraun þeirra til að drepa sem flesta á síðustu stundu. Við erum ennþá
undrandi yfir þessari sjúklegu grimmd og ruddaskap. Aðeins stórkostleg og vel
yfirveguð tilraun til manndrápa. Því það var ekki einungis á okkar hluta af víg-
línunni sem sóknin var gerð, heldur á öllum víglínum Finnlands.