Andvari - 01.01.2007, Page 61

andvari
KATRÍN THORODDSEN
59
Ekki var síður þörf fyrir krafta Katrínar í bæjarstjórninni í barátt-
unni við „íhaldið“ sem ráðið hafði bænum um langt skeið. Hún flutti
margar tillögur ekki síst í þágu barna og fátækra. Ein fyrsta tillaga
hennar fjallaði um ráðningu lögreglulæknis sem átti að tryggja að fólk
sem lenti í fangelsi fengi rétta læknismeðferð ef hennar var þörf. Þá
lagði hún til ásamt þeim konum sem sátu í bæjarstjórn að ráðnar yrðu
tvær lögreglukonur. Ár eftir ár flutti hún tillögu um mjólkurgjafir í
barnaskólum bæjarins án árangurs. Árið 1952 flutti hún tillögu um
úttekt á högum þeirra sem bjuggu í bröggum og skúrum, einkum þeirra
sem voru atvinnulausir. Kannað skyldi sérstaklega hvort þeir hefðu
efni á eldsneyti.197 Braggabyggðin var eilíft deilumál í borgarstjórn þar
til loks var gengið í að útrýma henni upp úr 1960.198 Þá hvatti Katrín
til þess að fólk fengi smálóðir til að byggja á, væntanlega sem lausn á
þrálátum húsnæðisskorti og loks lagði hún til ásamt Nönnu Olafsdóttur
sem þá var komin í bæjarstjórnina að gerð yrði heildarúttekt á húsnæð-
ismálum í bænum í þeim tilgangi að koma með tillögur til úrbóta.199
I kosningum til bæjarstjórnar árið 1954 var Katrín í 6. sæti en Petrína
Jakobsson settist í annað sætið. Alls voru níu konur á listanum af 30
frambjóðendum sem verður að teljast gott á þessum tíma og ber vott um
yirkni kvenna í flokknum.200 Þar með var Katrín tekin að feta sig út úr
stjórnmálunum. Því miður gerði hún enga grein fyrir þessari ráðstöfun
en fróðlegt væri að vita hvort hún var einfaldlega búin að fá nóg eða
hvort stjarna hennar var að dala innan flokksins. Hún var að nálgast
sextugt og hugsanlega vildi hún fara að draga úr vinnuálagi.
Sovétríkin heimsótt
Árið 1950 lagði Katrín land undir fót til að kynna sér heilsugæslu á
Norðurlöndunum, Bretlandi og í Sovétríkjunum. Þetta var í fyrsta sinn
sem hún heimsótti Sovétríkin sem hana hafði lengi dreymt um að sjá
með eigin augum. Stalín var enn við völd en átti aðeins þrjú ár ólifuð.
Aðeins fimm ár voru liðin frá lokum heimsstyrjaldarinnar sem kost-
aði Sovétríkin miklar fórnir en mörgum meintum „svikurum“ var
komið fyrir kattarnef í hatrömmum „hreinsunum“ sem beitt var eftir
að styrjöldinni lauk. Þeir sósíalistar sem höfðu litið á Sovétríkin sem
fyrirmyndarríkið áttu mikið áfall í vændum er harðstjórn Stalíns var
afhjúpuð árið 1956.201 Það var ekki komið að því enn og ekki hafa