Andvari - 01.01.2008, Blaðsíða 27
ANDVARI
BJARNI BJARNASON
25
sem lögð var á að hafa slíka skóla í strjálbýli, er í samræmi við hina
bresku fyrirmynd. Menningaráhrif frá þeim voru til þess fallin að efla
héruðin sem í hlut áttu enda tóku þau verulegan þátt í stofnkostnaði
þeirra. Þetta hlutverk felst í orðinu héraðsskóli sem rakið er til Eiríks
Einarssonar alþingismanns frá Hæli. Uppeldisstefnu Jónasar, áherslu á
verklega þætti, heilsusamlegt líferni, líkamsrækt og söng ásamt hvatn-
ingu til sjálfboðavinnu í þágu skólanna var fylgt í þeim öllum og því
nefnir hann þá albræður.
Jónas mun hafa talið það miklu varða að fá til Laugarvatns öfl-
ugan skólastjóra. Þar beið erfitt verkefni. Þótt staðurinn væri fagur og
ríkulega búinn frá náttúrunnar hendi var húsið tæplega hálfbyggt og
vegleysur til staðarins. Bjarni, vel menntaður íþróttakennari, reyndur og
mikils metinn skólastjóri og síðast en ekki síst frækinn íþróttamaður,
var manna líklegastur til að fylgja þeirri skólastefnu sem Jónasi var
mest að skapi. Jónas lýsti því sjálfur í greininni Draumur og veruleiki
hvernig það atvikaðist að Bjarni Bjarnason varð fyrir valinu:
Þá um sumarið var ég að brjóta.heilann um hvaða maður gæti nú tekið við
Laugarvatni, úr því sr. Jakob vildi hætta. Þá um mitt sumarið var ég staddur
suður í Hafnarfirði og mæti gömlum lærisveini og vini mínum, Bjarna Bjarna-
syni. Við tölum saman um daginn 0£ veginn. Allt í einu dettur mér í hug:
Þarna er maðurinn að Laugarvatni. Eg kastaði þessu fram strax í gamni og
alvöru. Bjarni tók því í spaugi, sagðist ekki eiga heimangengt frá skólanum í
Hafnarfirði og búi í Straumi. En þessu máli var haldið áfram, og svo fór að
Bjarni yfirgaf sinn stóra skóla og bú og flutti austur að Laugarvatni. Reynslan
hefir sýnt, að þar var gifta með í mannvali.21
Bjarni var skipaður skólastjóri síðla sumars 1929 og skólinn var settur
4. október. Sá hluti skólahússins, sem reistur hafði verið um sumarið,
var óinnréttaður eins og áður er getið. Frá fyrra ári var aðeins einn
fastur kennari við skólann, Guðmundur Ólafsson frá Sörlastöðum. Þrír
nýir kennarar voru nú fastráðnir til viðbótar auk skólastjórans og tveir
stundakennarar. Lýsing Bjarna á þessum aðstæðum sýnir glöggt hvernig
aðkoman var og hvernig við henni var brugðist:
Kennurum var holað í herbergi, enda voru þeir, sem komu nýir, einhleypir
menn. íbúð skólastjóra var eins og hitt aðeins fokheld, kona og ungur sonur
urðu því að bíða annars staðar til betri tíma....Um veturinn unnu nemendur
að því að afþilja herbergi, og losnuðu þeir brátt úr hinum stóra geim, sem
hlotið hafði nafnið „Glaumbær“. Herbergin voru skírð, jafnóðum og flutt var