Menntamál - 01.04.1967, Qupperneq 69

MENNTAMAL
63
gildi, var nokkur eðlisfræði kennd víða í barnaskólum. Með
gildistöku laganna var efsti bekkur barnaskólanna (13 ára
börn) færður til gagnfræðaskólanna. Við þessa breytingu
féll kennsla í eðlisfræði í barnaskólum niður. En eðlisfræðin
fylgdi ekki nemendunum, hvað sem kann að hafa valdið
því. Svo er helzt að sjá, að kennsla í eðlisfræði hafi fallið
niður fyrir gáleysi. Leið nú nærri hálfur annar áratugur án
nokkurrar umtalsverðrar eðlisfræðikennslu á skyldustiginu.
Það var ekki fyrr en námsskráin var gelin út árið 1961, að
nokkur hreyfing fór að komast á þessi mál, en þá voru fyrst
sett ákvæði um, hvað kenna skyldi í hinu nýja skyldunámi,
og var eðlisfræðin að sjálfsögðu tekin þar með.
Þyrnirósarsvefn eðlisfræðinnar í skyldunáminu á árunum
1946—61 markar eðlilega kennsluna enn þann dag í dag.
Hin takmarkaða liefð og reynsla, sem áunnizt hafði fyrir
1946, tapaðist svo til algjörlega. Jafnframt þessu varð þörfin
fyrir góða kennslu í eðlisfræði brýnni með hverju árinu sem
leið. Af þessu má vera ljóst hvílíkt vandræðaástand hafði
skapazt árið 1961, er eðlisfræðikennslan skyldi tekin upp að
nýju.
Nú er liðinn um hálfur áratugur frá því, að námskráin
var staðfest, og þarf engan að undra þó enn sé margt ógert
á sviði eðlisfræðikennslunnar. Því er þó ekki að leyna, að
margir munu hafa orðið fyrir sárum vonbrigðum, að eðlis-
fræðikennslan skuli ekki hafa verið tekin fastari tökum.
Því er nú brýn nauðsyn, að breyting verði hið skjótasta í
þessum el'num.
Með þessari grein vil ég ræða vanda eðlisfræðikennslunn-
ar. Ég tel, að róttækra breytinga sé þörf á kennslunni bæði
í gagnfræðaskólum og hinum ýmsu framhaldsskólum. í
greininni mun ég einungis ræða eðlisfræðikennsluna í gagn-
fræðaskólum, því eðlilegast hlýtur að vera að byrja á byrj-
uninni og bæta fyrst kennsluna þar. Ennfremur tel ég, að
kennslan þar hljóti að móta mjög alla síðari kennslu; ef
hún byggist að verulegu leyti á nemendaæfingum jal'nt sem