Skírnir - 01.01.1927, Side 104

Skírnir]
Veðrátta og veðurspár.
97
Um Biskayaflóann er loftþrýstingin mest, 780 mm, en
fer svo lækkandi til norðvesturs allt þangað til hún verð-
ur aðeins 720 mm. í miðri lægðinni yfir Grænlandshafi.
Fyrir sunnan landið er hlýr suðvestlægur loftstraumur í
framrás og sýna veðramótin takmörk hans, að því er næst
verður komist. Eru þau dregin frá Skotlandi upp undir
Vestmannaeyjar og þaðan inn að sveipmiðjunni. Hitinn er
um 10 stig við vesturströnd Skotlands en aðeins 3 stig
hér sunnanlands. Frá sveipmiðjunni er svo dregin skúra-
lína suður á bóginn. Með henni brýzt fram mjög kalt Græn-
landsloft úr vestri og norðvestri. Á skipinu, sem er statt
beint suður af Hvarfi, er hiti í loftinu aðeins 0,2 stig eða
7 stigum kaldara en yfirborð sævarins á sama stað og
10—13 stigum kaldara en loftið í hlýja geiranum. Ýmis-
legt bendir til, að í raun og veru séu tveir nokkuð mis-
heitir loftstraumar í hlýja geiranum. Er greint milli þeirra
með línu, sem gengur frá írlandi norðvestur í lægðina. I
vestri helming geirans er hitinn full 13 stig og á Azor-
eyjum 16 stig.
Úr því vér höfum kynnzt kortinu, liggur fyrir að spá
veðri fyrir nóttina og næsta dag. Stefna sveipsins er á-
kveðin til norðausturs og hraðann má áætla um 60 km. á
klst. samkvænt stefnu og veðurhæð hlýja loftstraumsins.
Eftir 13 klst. eða næsta morgun kl. 6 ætti lægðin því að
verða út af Vestfjörðum, en skúralínan og þar með kalda
loftið hafa náð Vesturlandinu. Veðurspáin fyrir suður- og
vestur héruð landsins var því orðuð þannig:
í nótt: Sunnan hvassviðri og rigning.
Á morgun: Hvass suðvestan. Skúra og élja-
veður. Kl. 5—6 um kvöldið, nær hlýi loftstraumurinn
til Reykjavíkur. Hitinn eykst þá snögglega um full 5 stig
eins og sjá má af hitalínunni á 3. mynd (niður undan lægð
C). Vindurinn verður suðlægur og úrkoman hættir að mestu.
Úr miðnættinu gengur í vestrið með hryðjum og éljum,
hitinn fer minnkandi en er þó eigi kominn niður í 0 stig fyr
en eftir hádegi næsta dag.
7