Almanak Ólafs S. Thorgeirssonar - 01.01.1931, Qupperneq 103

1U1
Af þessu erindi má ráða að séra Jón hafi verið
hinn glæsilegasti maður ungra manna á þeirri tíð.
Móðir hans var Margrét Lárusdóttir Schevings
Hannessonar Schevings, sýslumanns.
Þórarinn ólst upp frá því hann var 8 ára hjá Páli
bónda Þórarinssyni er bjó í Árnanesi móti Stefáni
alþingismanni Eiríkssyni. Páll var hálfbróðir, sam-
mæðra, Önnu móður Þórarins. En albróðir Páls var
Sigurður, faðir Sigurborgar konu Þorleifs, hrepp-
stjóra Jónssonar í Hólum sem margir kannast við.
Hjá Páli frænda sínum var svo Þórarinn lengi eftir
að iiann náði fulltíða aldri.
Kona hans er Steinunn dóttir Jóns bónda á Hólmi
í Landbroti, Jónssonar bónda í Tungu í sömu sveit,
Jónssonar bónda í Núpssdal í Fljótshverfi, Hannes-
sonar, s.st. Móðir Steinunnar var Guðlaug, dóttir
Jóns bónda í Heiðarseli á Síðu, Jónssonar bónda í
Hlíð í Skaptártungum Eiríkssonar. En móðir Guð-
laugar var Ólöf Sveinsdóttir. Móðir Jóns í Hólmi
föður Steinunnar var Steinunn Oddsdóttir. Mun
faðir hennar hafa verið bóndi á Síðunni. Bróðir
Jóns í Heiðarseli var Eiríkur faðir séra Sveins í Ás-
um í Skaftártungum.
Þau Þórarinn og Steinunn gifbu sig árið 1887.
Var þá Steinunn búin að vera 10 ár vinnukona hjá
fósturforeldrum hans og honum þar samtíða, var þá
rétt þrítug er þau giftu sig, en Þórarinn fjóruni ár-
um eldri. Tveim árum síðar fluttu þau til Vestur-
heims, og fóru þá strax til Nýja-íslands, settust þá
að í ísafoldarbygðinni er þá var að byggjast. Þaðan
fluttu þau í útflóðinu 1901 og tóku þá rétt á þessu
landi.
Börn þeirra eru: 1. Sigurborg, gift Þorsteini Ein-
arssyni frá Árnanesi,Stefánssonar alþingismanns,
Eiríkssonar, 2. Páll, sem hér verður getið næst. 8.
Guðjón bóndi í Víðisbygð, 4. Anna, stundar hjúkr-
unarstörf, 5. Stefán, vinnur að búinu með Páli
Almanak 1931, 6,