Kirkjuritið - 01.09.1950, Blaðsíða 99

Bœkur,
STÓRMERK BÓK UM JÓHANNESAR GUÐSPJALL.
The Fourth Gospel,
its Signifiance and Environment
by R. H. Strachan, D. D.
Höfundur bókar þessarar er háskólakennari í Nýja testa-
mentisfræðum í Cambridge, og hefir hann unnið að rannsókn
Jóhannesarguðspjalls um mannsaldur. Bókin vakti svo mikla
athygli, að hún hefir komið út a. m. k. í þremur útgáfum síð-
ustu tíu árin. Skoðanir höfundar á Jóhannesarguðspjalli hafa
tekið miklum breytingum, og er höfundur nú sannfærður um
það, að guðspjallið sé ein heild og runnið frá manni, sem hafi
þekkt sannfæring Jesú um Messíasarköllun sína. í því sé miklu
meira sögulegt efni en ýmsir guðfræðingar hafi viljað vera
láta, einkum í píslarsögunni.
Bókin er í tveimur höfuðþáttum. Fyrst er löng ritgerð um
guðspjallið í heild, og henni skipt í kafla, sem hér segir: 1.
Mynd Jesú borin saman við Samstofna guðspjöllin. 2. Ræður
Jesú. 3. Söguskilningur guðspjallamannsins. 4. Markmið guð-
spjallsins. 5. Bakhjarl guðspjallsins. 6. Samning og höfundur.
7. Logoshugmyndin í guðspjallinu. Eru hverju þessu um sig
gjörð hin beztu skil og þannig varpað skýru Ijósi yfir guð-
spjallið í heild.
Síðari þáttur bókarinnar og meginþáttur er skýring á öllu
efni guðspjallsins, hverju versi frá upphafi til enda. Eru skýr-
ingar skarplegar, og hirðir höfundur lítt að ganga troðnar
brautir. Hann færir ljós rök að því, að söguefninu sé réttar
raðað í Samstofna guðspjöllunum, því að höfundur fjórða guð-
spjallsins hirðir ekki um að rekja söguna, heldur vill flétta úr
atburðunum sveig um höfuð hins eilífa Logosar, sem var í