Kirkjuritið - 01.09.1950, Blaðsíða 56

208
KIRKJURITIÐ
er séra Björn lét af prestsskap, og fluttu þá til Reykjavíkur,
og þar andaðist hún 28. september s.l.
Frú Björg var afburða glæsileg kona, gáfuð og vinsæl.
Frú Guðrún Jóhanna Jóhannesdóttir var fædd 19. júní 1858
að Brekku í Þingi í Húnavatnssýslu. Hún giftist árið 1890 séra
Guðmundi Helgasyni presti að Bergstöðum í Svartárdal, en
missti mann sinn árið 1895 eftir aðeins fimm ára sambúð, og
áttu þau þá 4 böm, öll í bernsku. Hún andaðist í Reykjavík
13. marz s.l.
Frú Guðrún var rík af móðurást og umhyggju og sýndi frá-
bært þrek og dugnað við það að ala upp börn sín og koma þeim
til þroska.
Frú Jóhanna Pálsdóttir lézt í Reykjavík 14. september s.l.
Hún fæddist hinn 20. júní 1866 að Stapadal í Arnarfirði. Hún
giftist árið 1891 séra Jóni Árnasyni í Otrardal, og bjuggu þau
þar fram til ársins 1906, en síðan á Bíldudal. Árið 1928 flutt-
ust þau hjónin til Reykjavíkur. Mann sinn missti hún árið 1944.
Frú Jóhanna var frábær gáfu- og dugnaðarkona, er allir,
sem kynntust henni, báru hlýjan hug til. Ævistarf hennar var
bæði mikið og fagurt og unnið í trú og trausti á Guð.
Frú Sigríður Hansdóttir Beck andaðist í Reykjavík hinn 25.
september s.l. Hún var fædd að Sómastöðum við Reyðarfjörð
2. maí 1872. Giftist árið 1901 séra Jóni Finnssyni presti að
Hofi í Álftafirði, og bjuggu þau þar til ársins 1905, er þau
fluttu að Djúpavogi. Séra Jón lét af prestsstörfum árið 1931,
og voru þau hjónin síðan búsett í Reykjavík. Mann sinn missti
hún árið 1940.
Frú Sigríður var greind kona, mikilhæf og myndarleg, eins
og hún átti kyn til, og einkar vinsæl.
Ennfremur er nýlátin hér í Reykjavík frú Þóra Ragnheiður
Þórðardóttir, kona séra Þórðar Oddgeirssonar prófasts á Sauða-
nesi. Hún var fædd í Reykjavík 20. janúar 1882, en þau hjónin
giftust 2. apríl 1910.
Frú Ragnheiður var hin mætasta kona, og er við andlát henn-
ar mikill harmur kveðinn að eiginmanni hennar og bömum.
Öllum þessum mætu og merku konum viljum vér votta virð-
ingu vora og þakkir með því að rísa úr sætum.
í þessu sambandi er einnig rétt og skylt að minnast landa