Kirkjuritið - 01.09.1950, Blaðsíða 54

206
KIRKJURITIÐ
aður af sóknarbörnum sínum. Hann gegndi og fjölmörgum
trúnaðarstörfum í héraði. Sat meðal annars í sýslunefnd bæði
í N.-Múlasýslu og V.-Skaftafellssýslu um langt skeið.
Hann var kvæntur Ingibjörgu Brynjólfsdóttur prests Jóns-
sonar í Vestmannaeyjum, en hún andaðist árið 1920.
Séra Magnús var hinn mesti atgjörvismaður bæði til líkama
og sálar, duglegur og samvizkusamur að hverju, sem hann
gekk, einlægur trúmaður og prýði sinnar stéttar.
Séra Páll Sigurðsson prestur í Bolungarvík andaðist hinn 15.
júlí síðastliðinn, 65 ára gamall. Hann fæddist að Garðhúsum í
Garði 29. ágúst 1884, sonur Sigurðar ísleikssonar og konu hans,
Kristínar Nikulásdóttur. Hann lauk embættisprófi í guðfræði
við Kaupmannahafnarháskóla árið 1912 og vígðist sama ár
aðstoðarprestur séra Þorvalds Jónssonar á ísafirði. Gerðist frí-
kirkjuprestur í Bolungarvík árin 1915—1916, en fluttist þá
vestur um haf og var prestur íslandinga 1 Garðarbyggð í
N.-Dakota fram til ársins 1926, er hann var kjörinn sóknar-
prestur í Hólsprestakalli í Bolungarvík og gegndi því starfi til
dauðadags.
Séra Páll var greindur maður og grandvar, einlægur trú-
maður og skyldurækinn.
Hann kvæntist Þorbjörgu Steingrímsdóttur árið 1914.
Séra Páls mun jafnan verða minnzt með virðingu og hlýrri
þökk allra þeirra, sem kynntust honum.
Séra Theódór Jónsson fyrrum prestur að Bægisá lézt hinn 8.
október s.l., 83 ára gamall. Hann var fæddur 16. maí 1866 að
Auðkúlu, sonur séra Jóns prófasts Þórðarsonar og konu hans,
Sigríðar Eiríksdóttur. Hann lauk prófi í Prestaskólanum í
Reykjavík árið 1888 og vígðist tveim árum síðar sóknarprestur
að Bægisá í Eyjafjarðarprófastsdæmi og þjónaði því presta-
kalli til ársins 1941, er hann fékk lausn frá störfum. Var hann
síðasti presturinn í Bægisárprestakalli, því að það var sam-
einað Möruvallaklaustursprestakalli, er hann hætti prestsskap-
Hann var kvæntur Jóhönnu Valgerði Gunnarsdóttur prests
að Svalbarði, og lifir hún mann sinn.
Séra Teódór var mætur maður, hæglátur, góðhjartaður og
grandvar, og rækti störf sín af trúmennsku og skyldurækni.