Kirkjuritið - 01.09.1950, Blaðsíða 60
212
KIRKJURITIÐ
Lokið hefir verið smíði prestseturshúsa að Reykhólum, Nes-
prestakalli í Reykjavík og Laugarnesprestakalli í Reykjavík.
En langt komið er smíði prestseturshúss á Djúpavogi, Hruna
og Akureyri.
Óvíst er, hvort hægt verður að hefja smíði nýrra húsa á
þessu ári. Veldur þar um bæði efnisskortur og féleysi, því að
þær kr. 500.000,00, sem veittar eru til nýrra prestsetra á f jár-
lögum þessa árs, munu vart gera mikið betur en hrökkva til
þess að ljúka þeim húsum, sem þegar eru í byggingu.
Nokkuð hefir verið framkvæmt af nauðsynlegum aðgerðum á
eldri prestsseturshúsum, s. s. Eydölum, Holti undir Eyjafjöll-
um, Borg á Mýrum, Sauðárkróki, Skútustöðum, og víðar. Við-
gerðir og viðhald á ýmsum hinna eldri prestssetra er mikið
nauðsynjamál, ekki aðeins vegna þeirra presta, er enn búa við
léleg og ófullnægjandi húsakynni, heldur og vegna ríkisins
sjálfs, er eigi má við því, að láta eignir sínar níðast niður
vegna skorts á nauðsynlegum endurbótum og viðhaldi. Á fjár-
lögum þessa árs eru að vísu veittar kr. 250 þúsund í þessu
skyni, en bæði er, að sú upphæð er allt of lág, eins og verðlagi
er nú háttað, og auk þess hefir þegar orðið að nota alla þessa
fjárveitingu til greiðslu á kostnaði við þær viðgerðir, sem þegar
er búið að framkvæma. Er því helzt útlit fyrir, að mjög lítið
eða ekkert verði hægt að láta gjöra við hin eldri prestssetur
á þessu ári, ef ekki rætist fram úr þessum erfiðleikum, en að
því er nú reynt að vinna.
Það er augljóst mál, að engin leið er til þess að halda öllum
prestsetrum landsins sæmilega við og framkvæma þar nauðsyn-
legar endurbætur fyrir einar 250 þúsundir króna á ári. Og til
þess að fá sæmilega leiðrétting þeirra mála, er nauðsynlegt, að
prestar landsins ræði þessi mál, hver við sinn þingmann, og
vekji athygli þeirra á, hversu allsendis ófullnægjandi slík fjár-
veiting er, og fá þá til að stuðla að því, að úr verði bætt á
næsta árs fjárlögum. Sama máli gegnir um fjárveitingar til
bygginga nýrra prestsetra og til útihúsabygginga, en til þessa
hvors tveggja eru veittar á núgildandi fjárlögum aðeins 700
þúsundir króna. Þessi upphæð þarf að minnsta kosti að tvöfald-
ast.
Engin ný lög varðandi kirkjuna beinlínis hafa samþykkt verið
á þessu ári. Hins vegar hafa samþykkt verið tvenn lög um