Kirkjuritið - 01.09.1950, Blaðsíða 30

182
KIRKJURITIÐ
sem er jafn frábær að andlegu og líkamlegu atgervi, gáfum
og lærdómi, hugsjónum og listagáfu, mannúð og mann-
kostum, einn af fáum öndvegismönnum mannkynsins nú
sem stendur. Fórn hans kann að sýnast vonlítil, því að
það, sem hann einn orkar til hjálpar þessum minnstu
bræðrum, er vitanlega ekki nema eins og dropi í hafið.
En hann valdi samt þessa leið og gerðist með því hróp-
andi vitni til samvizku mannkynsins um þann veg, sem
ganga þarf til að bjarga menningunni.
Aðeins hinn siðlegi vilji, sem kemur fram í starfi og
reistur er á virðingu fyrir lífinu, góðvild og mannkærleika,
getur nú borgið hinni hrynjandi menningu Vesturlanda,
sem sjálfselska og efnishyggja hefir ormétið að rótum og
er dauðadæmd, ef ekki verður snúið við.
Albert Schweitzer er nú sem stendur eitt hið bjartasta
leiðarljós mannkynsins, og það mun standa ljómi af honum
og starfi hans í aldir fram.
BENJAMÍN KRISTJÁNSSON.
Guðfræðingamót í Lundi.
Frjálslyndir guðfræðingar héldu mót í Lundi í Svíaríki 20.
—25. júlí, og var höfuðverkefni þess að undirbúa næsta alþjóða-
þing Allsherjar samtakanna til eflingar frjálslyndri kristni.
Bjöm Magnússon prófessor sótti þingið af íslands hálfu. Hann
flutti þar prédikun, er mun verða útvarpað síðar frá Hollandi.
Fundur prestafélaga Norðurlanda.
Sameiginlegur fundur prestafélaga Norðurlanda var haldinn
í Helsingfors dagana 3.—7. ágúst. Fulltrúar þar frá Presta-
félagi íslands voru þeir séra Jón Pétursson prófastur og séra
Guðmundur Sveinsson.
Japanskeisari hlynntur kristinni trú.
Fregnir frá Japan berast um það, að miklar horfur séu þar
á útbreiðslu kristinnar trúar. Keisarinn lætur veita nánustu
skyldmennum sínum fræðslu í kristindómi, og nýlega eru höfð
eftir honum þessi orð: „Sendið oss fleiri trúboða. Þjóð mín
þarfnast kristindóms.“