Uppeldi og menntun - 01.01.1999, Page 14

E R U STELPUR TRÚAÐRI EN STRÁKAR?
óhlutbundnum hugtökum um Guð, svo sem að hann sé andi eða eitthvað óáþreif-
anlegt.
Þegar dregin er saman sú mynd sem blasir við varðandi spurninguna um tilvist
Guðs, mikilvægi þess að trúa á hann og hvernig Guði er lýst, kemur fram nokkur
munur á milli kynjanna. í stuttu máli eru stelpur heldur líklegri til að telja að Guð
sé til og að það sé mikilvægt að trúa á hann og þær nota frekar hugtök sem lýsa
góðvild, kærleika og miskunnsemi Guðs en strákar.
Bænaiðkun
í öðrum hluta spurningalistans var spurt um bænaiðkun og bænakunnáttu. Mark-
miðið var að gera sér mynd af þætti bænar í trúariðkun barna og unglinga, hversu
mikið þau biðja, hvaða bænir þau kunna og nota, hverjir hafi helst kennt þeim
bænir, hvað þau telji að gerist við bæn og hvort þeim finnist Guð svara bænum.
Fyrsta spurningin um bæn var: Biðurðu bænir? Niðurstaðan varð sú að 65,7%
sögðust biðja oft eða stundum og verða því að kallast virkir biðjendur en 34,3%
sögðust biðja sjaldan eða aldrei.
Þegar kynin eru borin saman kemur í ljós að munur á milli stráka og stelpna er
verulegur. Stelpur eru mun bænræknari en strákar. Sem dæmi má nefna að yfir
40% stelpna biðja oft en aðeins um 20% stráka og að 20% stráka segjast aldrei biðja
á móti 5% stelpna. Súlurit á Mynd 2 sýnir muninn á milli kynjanna vel.
Mynd 2
Biðurðu bænir? Skipting eftir kyni
%
50
40
30
20
10
0
Oft Stundum Sjaldan Aldrei
12