Uppeldi og menntun - 01.01.1999, Page 25

GUNNAR J. GUNNARSSON
Mynd 9
Tengsl milli þess hversu oft börnin biðja og hvort lesið var kristilegt efni
fyrir þau áður en þau urðu læs
Biðurðu bænir?
□ Oft
Stundum
| Sjaldan
1 1 Aldrei
Til frekari áréttingar má geta þess að svipuð mynd blasir við þegar borin er saman
afstaða þeirra sem nefna að móðir hafi kennt þeim flestar bænir og hinna sem nefna
móður ekki. Þau sem móðir kenndi flestar bænir telja mikilvægara að trúa á Guð en
hin og þau eru jafnframt bænræknari. Þessi munur kemur hins vegar ekki í ljós hjá
þeim sem nefna að prestur hafi kennt þeim flestar bænir í samanburði við þau sem
ekki tilgreina prest.
Af þessu leyfi ég mér að draga þá ályktun að trúarleg uppeldismótun á heimili
í æsku hafi áhrif á það hvort börnin telja það mikilvægt að trúa á Guð og einnig hve
mikið þau biðja. í því sambandi má gera ráð fyrir því að lestur á kristilegu efni hafi
í einhverjum tilvikum tengst því að kenna börnunum bænir og þá líklegast kvöld-
bænir. Allt er þetta í samræmi við kenningar trúaruppeldisfræðinga um gildi og
mikilvægi trúarlegrar uppeldismótunar í bernsku.
Snúum okkur þá aftur að kynjamuninum og þeirri spumingu af hverju stelpur
virðast trúaðri en strákar. Ef við göngum út frá líkani Evenshaugs og Hallens og því
sem hér hefur verið sagt á undan skiptir fjölskyldan og heimilið verulegu máli í trúar-
legri uppeldis- og félagsmótun. Astæður fyrir muninum á milli kynjanna ættu því að
nokkru leyti að liggja þar og í þeim fyrirmyndum sem er að finna á heimilinu. Eitt af
því sem spurt var um í könnuninni var hver hefði kennt börnunum flestar bænir. Nið-
23