Uppeldi og menntun - 01.01.1999, Qupperneq 27

GUNNAR J. GUNNARSSON
í rannsókninni Ungt fólk '92 var athuguð íþrótta- og tómstundaiðkun unglinga í
8.-10. bekk. Niðurstöður sem þar birtust gefa nokkra mynd af því hvemig unglingar
eyða tómstundum og hvernig munur er á milli kynjanna í því efni. Þar kemur m.a.
fram að strákar eru mun duglegri íþróttaiðkendur en stúlkur, bæði eru þeir fleiri sem
stunda íþróttir og þeir eru líklegri til að gera það oftar í viku en stelpumar (Þórólfur
Þórlindsson o.fl. 1994). Varðandi annað tómstundastarf en íþróttir sýnir rannsóknin
Ungt fólk '92 mismikinn mun milli kynja eftir því hvað um er að ræða. í flestum tilfell-
um er hann ekki svo afgerandi að hann sé líklegur til að hafa merkjanleg áhrif á mun-
inn á milli kynjanna í þátttöku í kristilegu æskulýðsstarfi. Helst gæti haft áhrif að
strákar eiga vinninginn þegar um er að ræða að horfa á sjónvarp eða nota myndbönd í
meira en fimm tíma á viku og að hlutfall þeirra er mun hærra í notkun tölvuleikja og
leiktækjasala (Þóroddur Bjamason og Þórólfur Þórlindsson 1993).
Af þessu virðist mér að álykta megi sem svo að kirkjan og kristilegt æskulýðs-
starf hafi á vissan hátt tapað í samkeppninni við íþróttafélög um tómstundatíma
barnanna og unglinganna í mun meira mæli þegar strákar eiga í hlut en stelpur.
Einnig kann meiri sjónvarps- og tölvunotkun strákanna að hafa eitthvað að segja.
Munurinn á þátttöku kynjanna í kristilegu æskulýðsstarfi er hins vegar að vissu
marki staðfestur í rannsókninni Ungt fólk '92. Þar kom fram að stúlkur eru um 55%
þeirra sem taka þátt í slíku starfi í 9. og 10. bekk.
Ólík áhrif trúarlegrar uppeldismótunar á heimili, í kirkju og skóla
í ljósi þess munar sem er á þátttöku stelpna og stráka í kristilegu æskulýðsstarfi má
velta því fyrir sér hvort það hafi einhver áhrif hvar trúarleg uppeldismótun og
fræðsla hefur farið fram. Eitt af því sem spurt var um í könnuninni var hvar börn-
in/unglingarnir teldu sig hafa lært mest um kristna trú. Þau gátu síðan merkt við
einn af fjórum svarmöguleikum, þ.e. í kirkju, í skóla, heima og annars staðar og áttu
Mynd 10
Hvar hefurðu lært mest um kristna trú?
Svör allra þátttakenda
25