Uppeldi og menntun - 01.01.1999, Qupperneq 42

ÞÁTTUR STARFSFÓLKS LEIKSKÓLA í HLUTVERKALEIK BARNA
Fjarvera starfsfólksins var augljóslega algengust á þeim stöðum þar sem hlut-
verkaleikkrókurinn var í sérherbergjum þar sem enginn fullorðinn var til staðar
(Tafla 1). Á þeim stöðum léku börnin sér oftast ein nema þegar þau báðu um aðstoð
eða þau trufluðu aðra. Sums staðar leit starfsfólkið inn í herbergið við og við til að
aðgæta hvort allt væri í lagi. Athuganir og skráning voru óalgengar, einungis á
einum stað skráði starfsmaður hjá sér það sem börnin voru að gera.
Þegar fullorðnir voru viðstaddir var algengast að þeir hefðu einhvers konar
afskipti af leiknum. Afskipti voru skráð 29% af athuguðum tíma, oftast þar sem
hlutverkaleiksvæðið var í sérherbergi og starfsmaður var við. Óformleg athugun
átti sér stað í 18% af athuguðum tíma og reyndist einnig algengast þar sem hlut-
verkaleiksvæðið var í sérherbergi og starfsmaður var til staðar. I 13% af skráðum
tíma var starfsmaður viðstaddur en var að sinna einhverju öðru. Þetta var algengast
þar sem hlutverkaleiksvæði var hluti af stærra herbergi (Tafla 1)
Tafla 1
Hegðun starfsfólks eftir fyrirkomulagi húsnæðis
Hluti af stærra herbergi Sérherbergi með fullorðnum Sérherbergi án fullorðinna
Fjöldi leikskóla 5 14 11
1) Fjarverandi 2,0% 8,8% 92,3%
2) Viðstaddur, gerir eitthvað annað 65,1% 5,1% 0,2%
3) Fylgist með óformlega 6,0% 35,4% 1,2%
4) Athugar og skráir 0% 3,5% 0%
5) Hefur afskipti 26,9% 47,2% 6,3%
Mynd 2 sýnir tíðni mismunandi íhlutunaraðferða. Gefur hún til kynna að algengast
var að starfsfólkið stæði utan við leikinn og þema hans (54%). Starfsfólkið stóð þá
utan við leikinn og aðstoðaði börnin eða kom með athugasemdir óskyldar þema
leiksins. Þetta var sú aðferð sem oft var notuð þegar starfsmaðurinn hafði ekki
verið að fylgjast með leiknum og voru því athugasemdir ekki innan þema leiksins.
Tafla 2 sýnir að öll afskipti af leiknum á þeim stöðum þar sem hlutverkaleikur-
inn var í sérherbergi án viðveru fullorðinna var utan þema hans. Starfsmaðurinn
kom þá inn í herbergið væri hávaði eða barn kom og bað um aðstoð. Afskipti utan
þema leiksins voru einnig algeng í upphafi leiktímabils þegar starfsfólk aðstoðaði
börnin með leikmuni og rýmið. Sama átti sér stað í lok leiktímabils þegar verið var
að ganga frá.
40