Uppeldi og menntun - 01.01.1999, Side 139

SÓLVEIG JAKOBSDÓTTIR
greinarmunur á heima- og skólanotkun, en ljóst er samkvæmt þessari rannsókn að
tölvunotkun í skóla er yfirleitt aðeins lítill hluti af heildartölvunotkun ekki síst hjá
piltunum og eru þær niðurstöður í samræmi við niðurstöður Sólveigar Haralds-
dóttur og Svövu Guðjónsdóttur (1997).
Mynd 7
Hlutfall pilta og stúlkna á unglingastigi sem segist nota tölvur
meira en tvo tíma á viku heima og í skóla
SAMANTEKT OG ÁLYKTANIR
Þessi rannsókn sýndi umtalsverðan kynjamun meðal íslenskra nemenda í sjálf-
metinni tölvutengdri færni og viðhorfum a.m.k. frá 7.-8. bekk. Þessi munur virtist
þó nokkuð mismunandi eftir skólum/svæðum. Ytri þættir tölvumenningar skóla
(heimanotkun, aðstæður heima, félaganotkun) svo og ýmiss konar viðhorf (einkum
sjálfstraust) tengdust mest því hversu mikla sjálfmetna færni nemendur töldu sig
hafa. En innri þættir tölvumenningar skóla virtust í þessari rannsókn hafa fremur
lítil áhrif á sjálfmetna færni bæði pilta og stúlkna. Ein helsta skýringin á þessu gæti
verið sú hversu lítil tölvunotkun í skólum var yfirleitt í samanburði við heima-
notkun.
Niðurstöður sem kynntar voru úr þessari rannsókn og tengjast kynjamun í
færni ber að skoða með nokkurri varúð þar sem færnin er sjálfmetin og alls ekki er
loku fyrir það skotið að fleiri stúlkur en piltar vanmeti færni sína en fleiri piltar en
137