Uppeldi og menntun - 01.01.2000, Síða 30

DANSMENNT í GRUNNSKÓLA
m.a: „Sérhvert foreldri, kennari og uppalandi veit að æfing í lestri og meðferð talna
er mikilvæg undirstaða menntunar en engum kæmi í hug að þetta væri öll
menntunin." Bendir Robinson á að hæfileikar til að skynja rými með sjón, heyrn og
hreyfingu auk sérstakra tónlistarhæfileika geti verið eins mikilvægir fyrir menntun
einstaklinga og hæfileikar til bóknáms. Hann telur að oft sé litið á listir og vísindi
sem gerólíkar greinar, þá fyrri huglæga og skapandi, en þá síðari hlutlæga og
kerfisbundna. Bendir hann á að sköpunarferlið í listum og vísindum eigi margt
sameiginlegt og þörf sé á listum í kennslu og rannsóknum á öllum stigum skóla-
kerfisins.
Líta má á dansmennt sem eina af nokkrum leiðum að þessu marki. Vikið var að
þeirri fjölbreytni sem í henni felst bæði hvað snertir markmið og leiðir. Hins hefur
aðeins lítillega verið getið hve öflugur gleðigjafi dans og dansmennt getur verið
nemendum og hæpið að fyrir þorra þeirra finnist annar öflugri.
í nokkur hundruð ár virðist íslendingum hafa verið tamt að yrkja og flytja ljóð
sem m.a. voru sungin og boðskapur þeirra túlkaður í dansi. Þörfin á eflingu
skapandi hugsunar er enn til staðar og má geta sér þess til að hún sé meiri nú en
nokkru sinni fyrr. Hvort sem er á sviði lista eða vísinda er skapandi hugsun nauð-
synleg í síbreytilegu þjóðfélagi nútímans. Dansmennt er ein þeirra greina sem
markvisst getur stuðlað að þessum hluta menntunar fyrir alla nemendur allt frá
upphafi skólagöngu barna. Jafnframt má ætla að hún geti eflt tilfinninganæmi,
félagsanda og lífsgleði skólabarna m.a. í tengslum við aðrar námsgreinar grunn-
skólans. Að lokum er þess vænst að hvort sem nemendur kjósa dans sem valgrein
eða ekki geti dansmennt stuðlað að víðsýni og virðingu fyrir ólíkum sviðum dans-
ins og lista almennt. Efni er sótt til nútíðar og fortíðar sem hvort um sig er þáttur í
að skynja umheiminn og skapa nauðsynlegan jarðveg fyrir þróun danslistar.
28