Uppeldi og menntun - 01.01.2000, Qupperneq 85

GUÐRÚN KRISTINSDÓTTIR
Mynd 1
Mat kennara á hegðun barna. - Há tala þýðir jákvæð útkoma.
70 '
Noregur fsland Svíþjóð Danmörk Finnland
Há útkoma merkir hér jákvæðari útkomu en ella, þ.e. færri en fleiri merki um
hegðunarvanda. Samkvæmt þessu hegða íslensku börnin sér að mati kennara síst
ver en jafnaldrarnir á hinum Norðurlöndunum. Um það bil einu stigi munaði á
meðaltali milli fjögurra landa. Það var lægst 59,7 í Svíþjóð, hæst 60,8 á íslandi, er þá
undanskilið mat dönsku kennaranna sem skar sig úr með meðalgildið 43,3. Staðal-
frávik var hæst í mati á íslensku börnunum, 9,5 en lægst var það 7,0 (sjá nánar
Ogden 1998).
Kynbundin afstaða til skólans
Eins og áður hefur komið fram voru niðurstöður bornar saman milli landa. Þó að
útkoma margra atriða væri oftar en ekki lík hjá norrænu börnunum skar sumt sig
úr. Afstaða og áhugi barnanna á skólanum var eitt þeirra atriða sem var ólíkt milli
landa. Hér var byggt á mati barnanna sjálfra á afstöðu sinni til skólans og náms-
greinanna. í ljós kom athyglisverður munur á afstöðu íslensku barnanna þar sem
drengirnir voru neikvæðari. Neikvæðari afstaða drengja en stúlkna til skólans hefur
komið fram víðar og kemur því ekki á óvart enda var þessi munur marktækur í
þremur landanna. Það sem þó vekur athygli er að hvergi var hann eins afgerandi
og milli íslensku drengjanna og stúlknanna (p< 0,001).
I þessu sambandi er vert að geta þess að dönsku börnin voru mun jákvæðari í
afstöðu sinni til skólans og námsgreinanna en börnin í hinum löndunum. Það vekur
nokkra umhugsun að hegðunarvandi þeirra að áliti kennara var mestur þar í sam-
83