Uppeldi og menntun - 01.09.1993, Qupperneq 125

LÁRA STEFÁNSDÓTTIR, SIGURJÓN MÝRDAL
bundna náminu og námsmat með sama hætti. Gert er ráð fyrir að kennaraefnin ljúki
að jafnaði 24 einingum á ári. Þrátt fyrir að hér sé um hlutanám að ræða, er ekki talið
ráðlegt að kennaraefnin í fjarskólanum séu í meira en hálfu starfi með náminu.
Námskeið eru haldin í KHI í Reykjavík eða á öðrum stöðum eftir nánari ákvörð-
un hverju sinni, 1-2 vikur í byrjun janúar ár hvert og 3-6 vikur að sumri í fjögur ár.
Þaf- verður lögð áhersla á að ljúka námsþáttum sem krefjast viðveru nema og kenn-
ara, en einnig verður lagt inn námsefni til frekari úrvinnslu í fjarnámi. Sumir náms-
þættir, einkum þeir sem lúta að hagnýtum verkefnum á vettvangi skólastarfs, verða
að öllu leyti með fjarkennslusniði.
Kennaraháskólinn sér í samstarfi við fræðsluskrifstofur öllum kennaraefn-
unum fyrir svokölluðum heimaskóla, þ.e. grunnskóla þar sem þau munu vinna
hagnýt verkefni tengd náminu, stunda kennsluæfingar, athuganir o.fl. Sérstök
áhersla er lögð á að styðja kennaraefnin í sjálfsnámi sínu. Til þess, og einnig til að
leggja inn nýtt efni, er ýmist notast við síma, bréfapóst eða tölvusamskipti eins og
henta þykir. Einnig munu kennarar heimsækja kennaraefni eftir því sem tilefni gef-
ast og aðstæður leyfa. Ráðnir verða leiðsögukennarar í fræðsluumdæmunum.
Fjarkennsluhlutinn er með bréfaskólasniði og er Islenska menntanetið nýtt til
samskipta og kennslu. KHÍ naut fulltingis fræðslustjóra við að tryggja aðgang fjar-
nema að tölvum og búnaði í grunnskólum og á fræðsluskrifstofum. KHI útvegar
þeim öllum aðgang að menntanetinu. Hefðbundin póstsamskipti hafa verið notuð
samhliða til að tryggja þátttöku þeirra sem ekki tengdust tölvunetinu í upphafi.
Starfsmenn Islenska menntanetsins hafa verið nemum innan handar við tengingar
og notkun tölvunetsins.
Tenging nemendahópsins hefur gengið framar vonum, enda starfsfólk Islenska
menntanetsins óþreytandi að ferðast til allra landshorna. Nemar geta sjálfir eignast
búnað, tölvu og mótald, til að nýta menntanetið að heiman, en flestir tengjast
menntanetinu um búnað í heimaskóla eða öðrum skóla í nágrenni sínu. Þar sækja
þeir verkefni og upplýsingar, skila þangað úrlausnum verkefna, senda stutt skila-
boð, spurningar og athugasemdir til kennara eða til annarra nemenda.
ÍSLENSKA MENNTANETIÐ - AÐDRAGANDI
íslenska menntanetið á rætur sínar á Kópaskeri þar sem Pétur Þorsteinsson stofnaði
tölvumiðstöð skóla, Imbu, árið 1988 (Pétur Þorsteinsson 1992; Lára Stefánsdóttir
1993). Árið 1990 fóru aðrir grunnskólar í umdæminu að tengjast tölvunni á Kópa-
skeri. Notkunin fór sívaxandi og skólar utaiT svæðisins fóru að tengjast og ljóst varð
að frumkvæði Péturs naut almenns stuðnings skólamanna í landinu. Árið 1992 var
nauðsynlegt að stækka tölvumiðstöðina og voru settar tvær nýjar miðstöðvar, í
Reykjavík og á Akureyri, og um leið var nafninu breytt í Islenska menntanetið.
Vorið 1993 höfðu um 80% allra skólastofnana í landinu verið tengdar við mennta-
netið.
Fjölmargir aðilar studdu stofnun Islenska menntanetsins. Þar skipti miklu máli
ákvörðun Kennaraháskólans um að nota tölvusamskipti í fjarskóla sínum (Lára
123