Uppeldi og menntun - 01.09.1993, Síða 139

RAGNHEIÐUR BENEDIKTSSON
berast, á tilheyrandi staði. Tímanum er einvörðungu varið til að sækja, senda og
skoða gögn sem eru hluti af námsefni nemenda.
En þótt hugbúnaðurinn sé í þessu tilviki einkar þægilegur er ekki þar með sagt
að kennarar séu reiðubúnir til að nota hann, þeir eru ekki allir tilbúnir til þess að
nota tölvur yfirleitt. Einn þeirra kennara sem lýst hafa ánægju með námsefni
verkefnisins hefur aldrei notað tölvu sjálfur. Þessi kennari veit nákvæmlega hvenær
nemendur eiga að senda og sækja bréf og önnur gögn í verkefninu og hvenær þeir
eiga að fá að skoða og prenta út ýmis gögn sem þeir þurfa að nota í náminu. Hann
treystir sér hins vegar ekki til að sinna þessu sjálfur og fær því aðstoð.
Þeir kennarar sem nota tölvu nánast daglega við kennslustarfið vilja gjarnan
hafa allt sem lýtur að tölvuvinnslunni inni hjá sér:
Mér fitmst galli að nemertdur fara úr tíma til að sækja og senda tölvupóst en nem-
endum mtnum fannst pað kostur.
- Best væri að bekkurinn gæti haft tölvu eða tölvur inni ístofunni allan tímann sem
verkefnið stendur yfir og að hver bekkurhefði aðgang að gagnabankanum fyrir sig.
Að mínurn dómi þurfa símalínurnar að komast út í kennslustofurnar. Þá fyrst hafa
kennarar tækifæri til þess að vinna verkefnin eins og þeim þykir best henta. Þangað
gæti tölvuaðstoðin komið í þeim tilvikum þar sem þess gerist þörf.
Höfuðkosturinn við þetta verkefni er sá að kennarar geta nýtt sér námsgögnin
ótrúlega skemmtilega án þess að snerta nokkurn tíma tölvuna sjálfir, þ.e. ef þeir
hafa aðstoð við þann þátt. Kennarinn, sem ekki treysti sér til að sjá um tölvuvinn-
una, hafði þau áhrif á nemendur sína að þeir luku upp nánast einum munni um að
það hefði verið gaman að taka þátt í verkefninu. Sú reynist þó ekki reglan með alla
nemendur né kennara, sem varla er von! Það kemur í ljós að mörgum nemendum
finnst gaman að vinna við tölvuna, fáeinum finnst það leiðinlegt, langflestum nem-
endum fannst gaman að mælingum, fáum fannst það leiðinlegt o.s.frv. Kennarar og
nemendur hafa hver sinn smekk og sínar skoðanir á námsefni og kennsluaðferðum
sem og öðru.
Eg bind vonir við áhrif Islenska menntanetsins á grunnskóla landsins. Kennarar
munu væntanlega læra smám saman að notfæra sér tölvutæknina og eygja þá kosti
sem tölvusamskiptin hafa í för með sér. Ef svo heldur sem horfir ættu íslenskir
grunnskólakennarar að verða framarlega í notkun þessarar tækni á heimsvísu.
Hvaða land annað hefur alið af sér Pétur á Kópaskeri?
TILRAUNIR í SKÓLASTOFU
Ein af röksemdunum fyrir að nota námsefni þetta er sú staðreynd að ekki hefur
gengið vel að framfylgja Aðalnámskrá grunnskóla varðandi raungreinar. Efna- og
eðlisfræðinámsefni sem samið var fyrir u.þ.b. tveimur áratugum á vegum Skóla-
rannsóknadeildar var í fyrstu kennt víða í grunnskólum landsins. En smám saman
hefur það horfið af stundaskrá nemenda.
Það hefur verið talið dýrara að kenna raungreinar en aðrar greinar hvað
kennslumagn og tækjakost áhrærir. Kennaranemar hafa lítið sótt í eðlis- og efna-
137