Uppeldi og menntun - 01.09.1993, Qupperneq 142

Á ALÞJÓÐAVETTVANGI í KENNSLUSTOFUNNI
ekki skipta öllu mdli hvort hér er fjallað um gæludýr eða eitthvert arrnað
viðfangsefni. Aðalatriðið er að nemendur læri aðferðina sem beitt er.
I tengslum við vangaveltur kennaranna hér að ofan er fróðlegt að athuga svör nem-
enda þegar spurt var: Hvaða spurningar vöknuðu hjá þér við námið í veðureining-
unni?
Hvaða veður verður á morgun?
Hvernig væri að búa íþessum löndum?
Hvaða krakkar voru að skrifa okkur?
Bara hvernig öðrum krökkum liði.
Hvernig verða hvirfilbyljir til?
Hverjir voru það sem stjórnuðu þessu verkefni?
Hvers vegna þurftum við að taka veðrið heima?
Verður allt sem við höfum unnið sent til Bandaríkjanna?
Hvernig þótti hinum krökkunum?
Hvernig er veðrið oftast hjá þeitn?
Hvað gerist þegar verkefnið er búið?
Hvernig er hægt að spá fyrir um veður?
Hvernig varð veðrið til?
Afhverju er veðrið til?
Við hljótum að telja dýrmætt að okkur takist að örva hugsun nemenda eins og
speglast í spurningum þeirra hér að ofan.
SEINFÆRIR NEMENDUR
Viðbrögð nemenda, sem hafa átt við námsörðugleika að etja, eru athyglisverð í
þessu samhengi. Hér á eftir kemur lýsing kennara á nemanda sem var í stuðnings-
kennslu í lestri og seinfær í stærðfræði:
Hann fékk niðurstöður frá skóla að utan um gæludýraeign nemenda þar. Það kom
mér á óvart að hann gat lesið úr skifuritinu, gerði sér grein fyrir muninum á fjölda
gæludýra annars vegar ogfjölda eigenda hins vegar, sem hefur vafist fyrir nemend-
um. Hann bað um aðfá að gera grein fyrir þessu atriði á foreldrakynningu og stóð
sig mjög vel. Eftir þetta breyttist allt viðhorf hans til skólans, hann fór að sýna
mikinn áhuga. Matnma hans taldi að það hefði gerst íkjölfar þessa verkefnis, hann
hefði getað sýnt og sannað hvers hann var megnugur.
Auðvitað má hugsa sér að eitthvert annað verkefni í skólastarfinu hefði leyst áhuga
þessa nemanda úr læðingi. En það má líka velta fyrir sér kostum þess að vera með
merkingarbærar niðurstöður í höndunum þegar verið er að læra að nota myndræna
framsetningu tölulegra upplýsinga eins og súlurit og skífurit eru. Samþætting
námsgreina í Kids network er snjöll. Gæludýraeiningin býður auk þess upp á afar
skemmtilega úrvinnslu í stærðfræði.
Nefna má dæmi um annan nemanda sem hefur verið í stuðningskennslu. Hon-
um farast svo orð eftir vinnu í súra regninu:
140