Árbók Háskóla Íslands - 01.01.1958, Blaðsíða 151

149
gilda, eru svipaðar þeim reglum, sem hafa venjulega gilt um slíka
keppni, en aðalinntak þeirra er, að höfundur má ekki hafa lokið
háskólaprófi, áður birtar sögur koma ekki til greina, en sami höf-
undur má senda fleiri en eina sögu. Sagan skal undirrituð dulnefni,
en rétt nafn höfundar fylgja með í lokuðu umslagi. Sagan skal ekki
vera lengri en svo, að hún komist fyrir á 5 síðum í Stúdentablaði
eða ekki yfir 4000 orð. Stúdentaráð veitir höfundi þeirrar sögu, sem
bezt þykir að dómi dómnefndar, tvö þúsund króna verðlaun og fær
jafnframt rétt til að birta hana í Stúdentablaði 1. desember. Þótt
saga fái ekki verðlaun, fær stúdentaráð forgangsrétt til að birta hana
í Stúdentablaði og verða þá venjuleg ritlaun greidd, ef þess er óskað.
Handritum skal skilað til formanns dómnefndar í síðasta lagi 20.
október 1958.
Skyldusparna&i mótmœlt.
Þessi tillaga var samþykkt einum rómi fyrir nokkru:
„Stúdentaráð Háskóla íslands fer þess á leit við Félagsmálaráðu-
neytið, að reglugerð samkvæmt 12. grein laga „um húsnæðismála-
stofnun, byggingarsjóð ríkisins, sparnað til íbúðabygginga, breyting á
I. kafla laga nr. 36/1952 o. fl.“ verði breytt þannig, að stúdentar þurfi
ekki að binda fé sitt í sparimerkjum fram til 1. nóvember ár hvert,
heldur sleppi að öllu leyti við skyldusparnað, eins og fyrrgreind lög
kveða á um.“
Friðrikss jó&ur.
Eins og kunnugt er, gekkst stúdentaráð fyrir stofnun Friðrikssjóðs
vorið 1955 og kaus þá 10 manna framkvæmdanefnd, sem starfaði í
ár, en síðan hafa þeir Ólafur Haukur Ólafsson, cand. med., og Jón
Böðvarsson, stud. mag., verið stjórnendur sjóðsins, en þeir voru for-
maður og gjaldkeri framkvæmdanefndarinnar.
Aðalverkefni sjóðsins til þessa hefur verið að greiða allan kostnað
Friðriks Ólafssonar á þeim skákmótum erlendis, sem hann hefur tekið
þátt í síðan sjóðurinn var stofnaður. Þessi mót eru: Skákþing Norður-
landa 1955, tvö jólaskákmót í Hastings, Olympíuskákmótið í Moskvu,
stúdentaskákmótið í Uppsala, svæðamótið í Wageningen, skákmótið
í Dallas 1957, stúdentaskákmótið í Varna og loks millisvæðamótið í
Portoroz. Sjóðurinn hefur auk þess greitt kostnað fyrir aðstoðarmenn
Friðriks á Hastingsmótunum og í Portoroz. Friðrik hefur ekki fengið
mikið fé í hendur beint úr sjóðnum, en hefur haft til eigin þarfa þær
fjárupphæðir, sem starfshópar og bæjarfélög hafa afhent honum
sjálfum. Þeir peningar hafa aldrei í sjóðinn komið. Sama máli gegnir
um fjárlagastyrk þann, sem nú er kr. 25.000,00 á ári, en hann fékkst