Hugur - 01.01.1994, Síða 121

HUGUR
Ritfregnir
119
Marcus Tullius Cicero: Um vináttuna, þýð. Margrét Oddsdóttir.
Reykjavík: Hið fslenska bókmenntai'élag, 1993. 150 bls.
Það er við hæfi að þessi stutta samræða Ciceros um vináttuna skuli vera
þrítugasta ritið í flokki Lærdómsrita Bókmenntafélagsins, því sú ritröð hefur
reynst íslensku áhugafólki um heimspeki traustur vinur um tveggja áratuga
skeið. Efnið er einkenni sannrar vináttu og gildi hennar fyrir manninn og er
fjallað um þetta út frá sjonarhorni stóuspekinnar sem átti talsverðu fylgi að
fagna á ritunartíma samræðunnar á fyrstu öld fyrir Krist. Cicero var mikill
stjórnmála- og ræðuskörungur, refur talsverður, og aukinheldur vel að sér í
lögum, skáldskap og heimspeki. Svavar H. Svavarsson ritar inngang að
bókinni þar sem reynt er að setja líf, starf og fræði Ciceros í nokkurt
samhengi, lesandanum til skilningsauka.
Ingi Sigurðsson, ritstjóri: Upplýsingin á íslandi. Reykjavík: Hið
íslenska bókmennafélag, 1990. 440 bls.
Bókin er safn tíu ritgerða um Upplýsinguna sem hafði nokkur áhrif á íslandi á
árunum 1770-1830. Ritstjórinn ritar yfirlitsgrein um þessa hugmyndastefnu en
auk hans skrifa átta aðrir fræðimenn um stjórnsýslu, refsilöggjöf og réttarfar,
atvinnumál, guðfræði og trúarlíf, fræðslumál, fræðafélög og bókaútgáfu,
bókmenntir, sagnfræði og náttúruvísindi. Þessi bók er áhugaverð lesning fyrir
áhugafólk um hugmyndasögu, eins og tíðkast að segja á íslensku, og því
einnig fyrir áhugafólk um heimspeki.
Ragnar Baldursson þýð.: Speki Konfúsíusar. Reykjavík: Iðunn,
1989.251 bls.
Hér er komin þýðing á einu helsta riti kínverskrar heimspeki. í inngangi rekur
þýðandi líf og starf Konfúsíusar og setur það í sögulegt og fræðilegt
samhengi. Einnig er gerð skýr grein fyrir ritinu sjálfu og helstu hugtökum sem
notuð eru, og rakin áhrif Konfúsíusar og hugsunar hans allt frarn til nútímans
bæði í Kína og öðrum löndum Asíu. Ritið skiptist í tólf kafla og fylgja
ýtarlegar skýringar með hverjum kafla.
Róbert H. Haraldsson, ritstj.: Erindi siðfrœðinnar. Reykjavík:
Rannsóknastofnun í siðfræði, 1993. 232 bls.
í bók þessari, sem gefín var út í tilefni af fimm ára afmæli Siðfræðistofnunar,
er safn greina um siðfræðileg efni. Auk inngangs ritstjóra, þar sem færð eru
rök fyrir mikilvægi siðfræðilegrar umræðu, hefur ritið að geyma tíu greinar
eftir jafnmarga höfunda. Er þar fyrst að telja tvær sígildar greinar eftir