Morgunn - 01.12.1923, Blaðsíða 71
M O R G U N N
197
Það er dapurlegt til þess að iiugsa fyrir kirkjuna, að
nú skuli ýmsir menn og flokkar utan hennar liafa tekið upp
aðferðir Krists á því sviði; þeir hafa orðið að gefa sig fram
i þjónustu sannleiks-andans, af því að kirkjan brást köllun
sinni. Andlegar lœkningar voru eitt af því, sem Kristur fal
lærisveinum sínum að rækja. Þar sem sagt er frá útsending
þeirra fyrsta sinn í Nýja testamentinu, stnda þessi ógleym-
anlegu orð: ,,0g hann kallaði til sín þá tólf lærisveina sína
•og gaf þeim vald yfir óhreinum öndum, t.il þess að reka þá
út, og til þess að lækna hvers konar sjúkdóma og hvers kon-
ar krankleika“ (Matt. 10, 1). En það stendur hvergi í N.tm.
nokkurt orð um það, að hann hafi sent þá út til þess að pré-
■dika friðþægingarlærdóm, um afplánan á reiði Guðs; ekki
heldur neitt um það, að þeir ættu að hafa. um hönd stöðugar
helgivenjur með hverskonar viðhafnarskrauti.
Nei, en þeir áttu að lækna og kenna mönnunum æðri
hugmyndir um Guð, og þeir áttu að siðbæta einstaklinga og
mannfélög. Þeir áttu að sannfæra heiminn um andlega liluti,
um upprisu og eilíft líf, um algilt, órjúfanlegt og vísdóms-
fult siðalögmál Guðs og um stöðugt samband við ósýnilega,
æðri tilveru.
En Guði sé lof — þótt kirkjan liafi reynst gleymin, þá
er ný framhaldsopinherun að ryðja sér leið á vorum dögum.
Sannleiksandinn er enn að vegsama Krist og taka af því, sem
hans er, og kunngjöra það mönnunum.
Fyrir skömmu sagði einn af læknum þessa lands þessi
eftirtektarverðu orð, — því miður var það læknir, en ekki
prestur —: „Nú er að koma í ljós, að Kristur hefir verið nær
því 2000 árum á undan samtíð sinni í náttúruvísindum, í
þekkingu á lögmálum tilverunnar. Hve mörgum þúsundum
ára ætli hann reynist að hafa verið á ttndan samtíð sinni í
siðferðilegri þekkingu“. Hann átti við þetta, að enn sé
mannkynið ekki byrjað að breyta eftir siðferðiskenningum
hans í eiginlegasta skilningi. En þegar það verði gert — en
áður þurfa ef til vill aldir að líða — þá muni mennirnir sann-
færast um, að Jiann hafði jafnrétt fyrir sér á því sviði.