Morgunn - 01.06.1935, Side 88

82
MOBGUNN
Mæðgurnar.
í Þjóðsögum Sigfúss Sigfússonar (3. bindi, bls.278—279)
er skýrt frá sýn, sem bar fyrir Björn Jónsson bónda á
Snotrunesi við Borgarfjörð eystra í fjárhúsi að Unaósi í
Hjaltastaðarþinghá árið 1873. Hann sá þar fyrst svo sem
hnefastóran eldhnött uppi við þekjuna, og þessi eldhnöttur
sundraðist á svipstundu og féll sem eimyrja niður að gólfú
En í sama bili kom þar fram, sem hnötturinn hafði verið,.
hálft tungl. Það var kyrt fáein augnablik, og hvarf svo
skyndilega. En jafnframt sá hann opnast dyr á hliðar-
veggnum, og hvítan snjóinn út um þær. Hann vildi reyna
þessar dyr og leggur stafnum í þær af alefli. En stafurinn
glumdi í grjótveggnum, og um leið hurfu dyrnar. Sauðfé,.
sem hann hafði ætlað að fara að hýsa, hafði verið ófáanlegt
til þess að fara inn í húsið, áður en hann fór inn í það, til
þess að athuga, hvernig á þessu stæði. En þegar þessar
sýnir voru um garð gengnar, ruddist það inn af svo miklu
kappi, að nærri lá að það velti manninum um koll.
Gömul kona á Unaósi hélt því fram, að þetta hefði
verið »urðarmáni« — hvað sem það nú er. Fleiri menn
virðast hafa séð sams konar glampa í tunglslíki, eftir því
sem fullyrt hefir verið, og eins opnar dyr á heilum veggj-
um. En engin tilraun skal hér gerð til þess að skýra,.
hvernig á þeim sýnum stendur. Alþýða manna mun ávalt
hafa sett þær í samband við »eitthvað óhreint«.
Ritstjóri Morguns hefir átt þess kost nýlega, sér til
mikillar ánægju, að kynnast manninum, sem sá þessar
sýnir fyrir rúmum 60 árum. Hann hefir sagt mér frá sýn,
sem hann sá síðar, og skiljanlegri er. Hann var þá staddur
að Ekkjufelli í Fellum í Norður-Múlasýslu. Um daginn
hafði farið fram jarðarför Guðmundar Björnssonar, bróður
Sigbjarnar bónda á Ekkjufelli. Líkið hafði verið jarðað á