Morgunn - 01.06.1935, Blaðsíða 20
14
MOKGUNN
hnöppum. Ekki var þetta missýning, mynd var tekin af
plöntunni og lifði plantan í þrjá mánuði hjá garðyrkju-
manni. Mörg svipuð dæmi eru eins vel vottfest og á verð-
ur kosið, en fyrir okkur er i þessu sambandi skemst að
minnast Grýtubakkaundranna, sem »Morgunn« skýrði frá
fyrir fáum árum, rétt eftir að þau gerðust, þar sem lifandi
blóm voru flutt með yfirvenjulegum hætti inn á sængina
til sálsjúku konunnar.
Þá hefir »Morgunn« mörgum sinnum frætt okkur um
hinar svonefndu sálrænu eða andlegu lækningar. Um þau
lögmál, sem þær Iúta, vítum vér enn hverfandi lítið, en
staðreyndirnar eru dásamlegar; þær hafa að nokkru verið
rannsakaðar i sambandi við miðlafyrirbrigðin og heyra tví-
mælalaust undir rannsóknarsvið hinna sálrænu vísinda, og
eitt Ijósasta dæmi þess, hve okkar veröld er þung i vöf-
unum, þegar beina á rannsóknarkrafti hennar inn á svið
hins dularfulla, sem svo er nefnt, er hversu ótrúlega lítinn
gaum útverðir læknavísindanna í heiminum hafa fengist til
að gefa þessari grein lækninganna. Margskonar sálarlegir
sjúkdómar þjá fjölda manna og kvenna viðsvegar um
heim, og margir menn, sem sitja inni með mikla þekking
og mikinn lærdóm í læknavísindunum, hafa með óyggjandi
dæmum sýnt að mikinn hluta þessara sjúkdóma má vafa-
laust lækna með sálrænum tilraunum; samt er fátt aðhafst
og kynlega hljótt um þessar merkilegu staðreyndir; þó
virðist það yfir allan efa hafið, að framliðnum sé það mjög
mikið áhugamál, að lögð sé rækt við þessar tilraunir; í
því sambandi vil eg minna á það, sem »Morgunn« hefir
sagt okkur um konuna ensku, sem skrifaði hina merku
bók »Eitt veit eg«, um þá stórmerku heilsubót sem hún
fékk fyrir andlegar lækningar. Sú saga sýnir okkur hve
takmarkalausa alúð og þrautseigju hinir framliðnu leggja
fram og hvílíkum undrum er hægt að koma til leiðar, þeg-
ar þeir finna kærleiksríka og fórnfúsa hjálpendur meðal
hinna jarðnesku.
Þá hefir »Morgunn« gefið okkur ákaflega þýðingar-